10 نصائح من سمية الخشاب: مفيش أمل والجواز في سن الأربعين

ياسمين حمادة 14 فبراير 2023 | 10:53 مساءً

قدمت سمية الخشاب عدة نصائح لجمهورها ومتابعيها عبر حسابها الرسمي بموقع التواصل الاجتماعي للتدوينات القصيرة تويتر، حول الزواج والارتباط.

نصائح سمية الخشاب

في عيد الحب هاكل سوشي وهاخد نفسي في date لوحدي.

أي حد في الحياة هدفه الارتباط أو شاغل جزء من تفكيره، اعرفوا إنه مفيش أمل فيه، حرق أوكسجين عالفاضي.

اتجوز وأنت عندك 40 سنة عشان تكون عملت فلوس كويسة وتعيش أولادك بمستوى كويس، هتتجوز بدري هتخلف 4 أو 3 ويطلعوا صايعين ويبقوا عالة على المجتمع.

اتجوز وانت عندك 25 ووريني إزاي هتربي وهتعلم وهتصرف على مراتك وعيالك، أهو التفكير اللي زي ده اللي بيسبب الأزمات الاقتصادية، فاكرين الجواز إنجاز.

الست اللي سبق لها الزواج لا يعيبها أي شي بالعكس بتبقي أكثر خبرة في الحياة، فياريت بلاش نمشي على التقاليد الخايبة دي إحنا في 2023، هو صاحب القرار مش أهله.

نصائح سمية الخشاب

تخطي العلاقة العاطفية في أسبوع، عملت ضوافري وغيرت ستايل شعري وبقيت إنسانة جديدة.

مش لازم نعلق سعادتنا وفرحتنا بوجود حد في حياتنا، لو مش موجود أنا أقدر أسعد نفسي وأقدر أحب كل حاجة حواليا.

لو زهقانة أو تعبانة وحضنت قطة هتلاقي نفسك ضحكتي، ولو عيانة هتخفي، لأن القطط بيصدروا موجات تمتص أي طاقات سلبية، اللعب مع الحيوانات بيخلي الست أسعد واحدة في الدنيا، ميقلوش عن الأطفال.

أنا بحب نفسي وبدلعها، وبعمل ماسكات لشعري وبلعب مع القطة بتاعتي، ومؤخرًا بعشق القطط، بقول للناس هاتوا قطط، واضربوا عصفورين بحجر، يبقى اتبنيتوا قطة من الشارع، وكمان هتعملكوا طاقة حلوة في البيت.

الحب لا يقتصر على العلاقة بين الرجل والمرأة فقط.

أنا برج الميزان، وأصحاب البرج ده نحانيح أوي في الحب ويموتوا في الرومانسية وبيحبوا يسعدوا الإنسان اللي بيحبوه على حساب نفسهم، ولكن لما يحسوا إنه مش بيقدر، بينقلبوا عليه.

نصائح سمية الخشاب

صرحت الفنانة سمية الخشاب، أن لها وجهة نظر مختلفة حول الاحتفال بعيد الحب، وتعتقد أن تخصيص يوم معين للتعبير عن الحب شيء غريب.

سمية الخشاب: أنا عقلانية رومانسية

وقالت سمية الخشاب، في لقاء تليفزيوني: أنا عقلانية رومانسية، وأسمح لعقلي بالتدخل في الوقت المناسب، وهذا سر بقائي على قيد الحياة.

وتابعت سمية الخشاب: أنا من مواليد برج الميزان، وفتاة برج الميزان عطاءة جدا ومتفانية في الحب عشان تسعد حبيبها على حساب نفسها، لكن لو أحست إنه لا يبادلها شعورها ولا يوجد أي تقدير تقلب قلبة وحشة.

وعن طقوسها في عيد الحب، أضافت: «لا أعترف بشيء اسمه عيد الحب وتخصيص يوم معين له، اللي بيحب بيهتم بحبيبه في أي وقت، ويشتري له هدية حلوة في أي يوم، ولو فاكرني في الأيام العادية ده أحلى بكتير، وفي المناسبات ميضرش، الستات عموما بيحبوا الهدايا».