10 وصايا تقدمها ياسمين عز للتعامل مع الزوج الأهلاوي: بلاش بط بالبرتقال

ياسمين حمادة 03 يونية 2023 | 09:14 مساءً

قدمت الإعلامية ياسمين عز الوصايا العشر للتعامل مع الزوج الأهلاوي قبل مباراة الأهلي والوداد، والمقرر له غدًا الأحد في تمام الساعة التاسعة مساءً.

وصايا ياسمين عز عن الزوج الأهلاوي

يرصد موقع قناة صدى البلد وصايا ياسمين عز عن الزوج الأهلاوي في السطور التالية، والتي قدمتها في برنامجها التلفزيوني، قائلة:

بلاش أكل دسم والغدا ياريت يكون خفيف عشان يشجع في كامل طاقته ونشاطه، وكرري الأكلة اللي كان بياكلها في الغدا وقت ماتش الترجي الماضي.

كرري من مصطلحات البطولات ومصطلحات حماسية تفكره بالبطولات الماضية.

لو قالك عملالنا غدا إيه هتقولي فما حاجة ولو اسمع علي هتقوليله سي يا علي سي ولو اسمه حسن هتقوليله سي يا أبو علي سي.

بلاش تعملي صينية بط بالبرتقال وبلاش تتصوري سيلفي وتعملي بوز البطة، ولا تقوليله وك وك لأن البط من الرموز المميزة للوداد.

لو جوزك من النوع العصبي شيلي أي أدوات قابلة للكسر في محيط 20 متر في المكان اللي موجود حواليه.

الشاي وقت الماتش يكون في كوباية كرتون.

إعملي إن مامتك وحشاكي قبل الماتش وقوليله رايحة تزوريها وتباتي عندها وترجعي تاني يوم.

خلي في التلاجة حاجة حلوة وحاجة حادقة.

لو ساكت متسأليهوش أسئلة مستفزة زي بتفكر في واحدة تانية غيري!؟.

بلاش عزومات في اليوم ده خاصةً لو ناس مش بيحبهم ولا تنضيف البيت.

ياسمين عز

ياسمين عز ورضوى الشربيني

كانت قد عادت الخناقة من جديد بين الإعلاميتين ياسمين عز ورضوى الشربيني وذلك للمرة الثانية الشهر الماضي، بعد مرور أسبوعا على الخناقة الكلامية الأولى بينهما خلال الأيام الماضية.

وكتبت رضوى الشربيني، عبر حسابها الشخصي على موقع التواصل الإجتماعي فيسبوك وعلقت قائلة: بحب أوى الست اللي اتربت على الأصول والرقي في التعامل و عندها فن الرد.. ‏الست اللي ليها كيان و كرامة تتحدث بشكل لائق و لا تتصرف او تتكلم كعبدة او مملوكة، الست اللي بتقف جنب اي حد مظلوم…من غير ما يفرق معاها اي حد.

وردت ياسمين عز، على كلام رضوى الشربيني عبر حسابها الشخصي على موقع التواصل الإجتماعي على فيسبوك، وعلقت قائلة: بحب أوي الدعسوقة التي لا تتصرف كعبدة او مملوكة (علي الاقل كان ليهم سعر)، بل تتصرف (برخص ) كخرابة بيوت او (ببلاش) كخطافة ازواج في السر.

وتابعت ياسمين عز: بحب أوي المسترجلة اللي على راسها بطحة (وعايزة تستخدم كلمة (مظلوم )كصفة، في حين ان استخدامها واعرابها ك (اسم) أحلى وأوقع (تقل الاسم بيخوف) بكرة.. الحصة الجاية،عندنا مجموعة من الاسماء هنعربها كلنا مع بعض، غدا قصائد شتوية وجرائد صيفية، نقطة.

ياسمين عز