عروس كفر الدوار تكشف مفاجأة بعد انتشار فيديو الكوافير على السوشيال ميديا.. فيديو

روت 'نسمة' عروس كفر الدوار، والمعروفة على السوشيال ميديا بـ'العروسة المغصوبة'، إنها كانت في قمة سعادتها خلال تحضير مستلزمات خطبتها وهي بجوار عريسها محمد.

وأوضحت عروس كفر الدوار خلال حديثها مع الإعلامية نهال طايل ببرنامج «تفاصيل» المذاع على قناة صدى البلد 2، إنها حجزت هي وخطيبها محمد الكوافير والفستان.

وأشارت 'نسمة' إلى أن الأمور كانت تسير على ما يرام إلى أن قام خطيبها بمخالفة الاتفاق، عندما حضر حفل خطوبتهما دون بدلة ولا إحضار بوكيه ورد، 'اختلفنا على كده وزعلت لما شوفته انه مسمعش الكلام وكان سوء تفاهم بسيط، لكن معرفش صاحب الكوافير عمل ليه كده'.

وعن نشر الفيديو قالت نسمة إنها لم تعلم شيئا عنه: 'محدش استأذنا وكذا حد ورهولنا كده، صاحب الكوافير صور وقال لنا هبعته لكم على الواتس الخاص بيكم، أنا كنت رافضة في البداية وقولت له مش بحب اتصور خلى خطيبي دخل وصورني قدام الأمر الواقع.. قالي تعالي يا عروسة وصورني.. حسبي الله ونعم الوكيل فيهم'.

وأكدت عروس كفر الدوار، أنها تفاجئت بالفيديو المنتشر على السوشيال ميديا، متسائلة عما حدث وما يقوله البعض عن تفاصيل ما حدث: 'منقيين صور وحشة وأنا وخطيبي نفسيتنا زي الزفت.. أنا وهو بنحب بعض، مافيش حاجة وحشه بينا'.