15 تصريح جريء لـ غادة إبراهيم: العمرة للعمرة تكفر الذنوب وبصلي بقالي 20 سنة

إسماعيل هاني 18 يونية 2023 | 03:02 مساءً

كشفت الفنانة غادة إبراهيم، تفاصيل عديدة عن حياتها سواء الفنية أو الشخصية ومنها ندمها على مشهد الامبراطور وأنها شخصية مثيرة للجدل ورفضها للإغراء والسير بنفس طريق ناهد شريف وأداءه العمرة وغيرها من التصريحات الأخرى.

ويقدم لكم موقع قناة صدى البلد أبرز تصريحات غادة إبراهيم في التقرير التالي:

غادة إبراهيم والعمرة

أنا لسه راجعة من العمرة من شهر ومن العمرة للعمرة تكفر الذنوب ويمحو الله ما بينها من ذنوب.

في فرق بين الموبقات والكبائر وأنا لا أقرب الكبائر.

بحب ألبس لبس فاشون وبعمل خير كتير يمحي لي السيئات وبقرأ كتير في الدين.

بصلي متواصل ومش بسيب فرض بقالي أكتر من 20 سنة.

لما أدخل مكان مجمع بلبس محتشم، ومقدرش أقول الحجاب مش فرض وربنا يهديني ويسامحني وممكن الفترة الجاية أقرب أكتر من ربنا.

لو أقدر أشيل مشهدي في فيلم الامبراطور كنت هشيله وهو المشهد الوحيد اللي عملته في تاريخي.

غادة إبراهيم وناهد شريف

شبهوني بناهد شريف وكانوا عاوزيني آخد مسيرتها وأكون خليفة ليها ولكن رفضت أقدم الإغراء.

كان فيه خلافات بيني وبين جوزي ومتفقين على الانفصال والمشهد ده عجل بالانفصال، وبعد ما شافه قال لي مش كنت عاوزة تنفصلي هطلقك، وكنت مخبية الفيلم لكن أولاد الحلال قالوا ليه تعالى شوف.

لما جوزي اتجوزني قال لي حبيبتي أنا وضعي حساس مفيش بوس لزمايلك ولا لبس أوفر، قلتله طبعًا يا حبيبي أنا يهمني أرضيك لأن رضا الزوج من رضا الرب.

الكايرزما من عند ربنا، وأنا مثيرة للجدل من عند ربنا.

فيه ناس حطاني في دماغها وناس حباني والناس عاوزة تعرف غادة فين وبتعمل إيه؟.

بقالي 20 سنة في الوسط محدش سمع عني والتنمر حصل في السنوات الأخيرة لأن نجمي طلع.

فيه نفسنة مني وفي حيزبونات ومنفسنين وعندي أعداء من الوسط الفني والإعلامي ومن كل حتة.

غادة إبراهيم وأعدائها بالوسط الفني

فيه واحدة نجمة سوبر ستار بقالها 40 سنة في الفن، مش بتصرف نقطة بوتوكس فاكرة إن تاريخها هيشفع عليها، ولو عندي ربع الملايين اللي عند النجمة دي هكون أحلى من هيفاء وهبي وأكيد مش هسيب نفسي كده.

أنا ضد أغير في خلقتي ولكن البوتوكس كل 6 شهور علشان شكلي يكون لذليذ لأن ده رأس مالي.

مبحبش الراجل اللي بيلبس زي أحمد سعد.

مقبلش إن راجلي يلبس اللبس ده أو يلبس حلق زي أحمد سعد.