في أول تعليق منه.. محمد حماقي يكشف سبب انتقادات أغنية بحرية

رد الفنان محمد حماقي لأول مرة على انتقادات أغنية بحرية، التي قدمها في ديو مع الفنانة شيرين عبدالوهاب.

قال محمد حماقي عبر تصريحات تلفزيونية: «بالعكس، أنا ماقلقتش خالص من التهنيجة اللي حصلت دي.. لو سمعتي أغنية من أول دقيقة إنتِ عارفاها، يبقى أنا ما قدمتش حاجة جديدة أو ما قدمناش حاجة جديدة».

رد محمد حماقي على انتقادات أغنية بحرية

وتابع: «التهنيجة دي بتيجي بسبب إنك بتسمعي حاجة إنتي مش متوقعة تسمعيها أو مش عارفة إنك هتسمعيها، ففى ناس عجبتها من أول لحظة، وفي ناس أخدت وقت معاهم عشان تعجبهم، بس دلوقتي الحمدلله كل الناس مبسوطة بيها».

وفيما يخص صاحب فكرة التعاون في أغنية بحرية، أكد محمد حماقي أن الديو كان مؤجلًا منذ سنوات، مضيفًا: «أنا وشيرين صحاب من زمان قوي قوي، من قبل ما نبتدي إحنا الاتنين، وكل ما كنا بنتقابل نقول عيب علينا إن إحنا لحد دلوقتي لسه ماغنيناش مع بعض».

تفاصيل تعاون محمد حماقي مع شيرين عبدالوهاب

واستكمل: «ولما جت الفرصة الحمدلله في أغنية تنفع إن إحنا الاتنين نغنيها، عملناها، والحمدلله محققة نجاح كبير، وأغنية بحرية من البداية كانت أغنية عاجباني وأنا كنت مختارها، وبعدين أنا وتوما اتكلمنا مع شيرين، وهي كانت رايحة لتوما تشتغل أغنية تانية، ولما سمعت الأغنية عجبتها الفكرة جدًا، وهي كانت أصلًا متحمسة كده كده إن إحنا نغني مع بعض».

واختتم محمد حماقي: «بحب قوي فكرة الديو اللي يبقى ديو بجد، يعني بحرية هو حوار بين راجل وست، مش أغنية عادية، وغنيناها إحنا الاتنين مع بعض، مع إنها كانت ممكن يتغناها شخص واحد».