«4 سنين ذل ومعافرة».. مسلم يتعرض لوعكة صحية بعد فسخ تعاقده مع سلطان الشن

تعرض مسلم مؤدي المهرجانات لوعكة صحية ونُقل بسببها للمستشفى، بعدما أعلن فسخ تعاقده مع المنتج سلطان الشن.

نشر مسلم صورة له من المستشفى عبر خاصية الستوري التابعة لحسابه الرسمي بموقع انستجرام، معلقًا: «الحمدلله».

فسخ تعاقد مسلم مع سلطان الشن

قال مسلم في فيديو نشره عبر حسابه الرسمي: «النهاردة أكتر يوم أنا مبسوط فيه في حياتي واليوم ده أنا عمري ما هنساه، يوم رحمة من ذل وتعب وإرهاق و4 سنين معافرة مع حد».

واستكمل: «النهاردة تم فسخ العقد بيني وبين المنتج المحترم سلطان الشن، الحمد لله بشكر ربنا وبحمد ربنا على كل حاجة كويسة، وبشكر دكتور حسام لطفي اللي بجد أنقذني من المعافرة الكبيرة اللي كنت فيها، الحمدلله أنا كان نفسي الحاجات دي تخلص بدون مشاكل».

وأضاف مسلم: «بس أنا في الآخر استنيت قانون بلدي وربنا نصرني والحمد لله مشيت مَرضِي، مش عايز أكتر من كدة مش عايز حاجة غير إني أبقى في حالي وأشتغل نفسي أكبر ويبقى عندي أمل أعمل حاجة».

مسلم

تصريحات مسلم

وتابع: «لكن الموضوع ده كان معطلني وضاغط على نفسيتي، وبعد كده مفيش قفل أغاني تاني ولا أي حاجة وحشة بتحصل لي، وفيه حاجات كتير حلوة جاية وأغاني كتير بتتعمل جديدة ودويتوهات حلوة كتير».

واختتم مسلم: «قولولي حمدلله على السلامة، أنا كنت نادر ندر أن لو ده حصل هدبح 3 عجول، إن شاء الله يومين وهدبحهم وكل اللي محتاج حاجة يكلمني وأقسم بالله ما هتردد ثانية، وأي أخت نفسها تفرح وأجيلها الفرح تكلمني، ومتنسوش دعواتكم لأخونا عصام صاصا ربنا يخرجه بالسلامة».

 

View this post on Instagram

 

A post shared by M̶ U̶ S̶ L̶ I̶ M̶ - مسلم (@muslimoffcial)