48 ساعة تريند .. القصة الكاملة لأزمة منة عرفه بعد إعلان عودتها لزوجها

في أقل من ٤٨ ساعة أعلنت الفنانة منة عرفه عودتها إلى زوجها محمود المهدي، بعد أيام قليلة من تصدرها محركات البحث ومواقع التواصل الاجتماعي بسبب انفصالهما.

قالت منة في رسالة عبر استوري بصفحتها الرسمية بموقع تبادل الصور والفيديوهات الشهير «إنستجرام»: «من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن، لكن أنتم يمكن عشان بتسمعوا عن بيوت بتتخرب كل دقيقة فبقى أبغض الحلال عند الله بنسبالكم نكتة أو حاجة تتمسخروا عليها، رهان بتعملوه مع بعض على أننا مش هنكمل، أو مادة خام للشماته فينا، خراب البيت عمره ماكان حاجة سهلة على الست أو على الرجل أو على أهالينا»

وأضافت: «في عز ضعفي وحزني وكسرتي اللي ربنا مايكتبها على أي ست مرحمتونيش ولا قدرتوا إني في موقف لا أحسد عليه وشمتانين فينا، قد إيه إنتوا ناس متعرفوش ربنا ولا في قلوبكم رحمة، اتمنوا الخير لبعض يا جماعة بلاش نشمت في بعض، لكن دي غلطتي أنا إني شاركتكم حياتي الشخصية، الإنسان بيغلط عشان يتعلم وأنا اتعلمت وربنا يعينكم على نفسيتكم الجحيم دي وعسى أن تكرهوا شي وهو خير لكم»

اختتمت: «يمكن الخلاف اللي حصل كشفلنا ناس كتير حوالينا كانوا بيمثلوا أنهم فرحانين لينا بس الحقيقي أنهم كانوا مستنين أول مشكلة عشان يشمتوا في كسرتي وخراب بيتي بس والله ربنا مش هينولهلكو وربنا يخليلي أهلي وزوجي والناس اللي بتتمنالي الخير وواقفت جمبي وكلمة أخيرة للسادة الصحفيين أرجوكم كفاية بقى ارحمونا حرام عليكم».

وذلك بعدما أعلنت انفصالها عن زوجها الفنان محمود المهدي، عبر السوشيال ميديا، ليخرج زوجها يوضح أسباب الانفصال للجمهور منذ أيام .

وقال عبر حسابه الرسمي، «كل شئ قسمة ونصيب»، وأنا كراجل شرقي صعيدي في حاجات مش هتنفع معايا، و في حاجات هتوقفها عن شغلها وحلمها ، وحاجات أخرى هتوقفها عن أصدقائها في الوسط الفني فأكيد مش هقف في ده

وأثارت الفنانة منة عرفه جدلاً واسعاً على السوشيال ميديا أمس، بعد خبر الانفصال، ورغم إعلانهما الانفصال إلا أن كل منهما كان لازال يحتفظ بصور كتب الكتاب علي حساباتهم الشخصية .

وقد توالت التعليقات على الثنائي، حيث أشار البعض أن تلك الأمر ما هو إلا دعاية لاغنيتهم الجديدة أنا قلبي دق، التي تم طرحها علي يوتيوب منذ ٨ أيام، وحققت مايقرب من ١٤٠ ألف مشاهدة فقط .

10 معلومات عن محمود المهدى طليق منة عرفه .. القصة الكاملة للزواج والطلاق

محمود المهدي يحذف أسباب انفصاله عن منة عرفه علي انستجرام