كشف المطرب أحمد جمال حقيقة فيديو متداول له، يظهر داخل نقابة المهن الموسيقية ويغني أمام لجنة الاختبارات.
كتب أحمد جمال في منشور عبر حسابه الرسمي بموقع فيس بوك: «توضيح لجمهوري الغالي بخصوص أحد الفيديوهات اللي انتشرت من فترة ليا وأنا بغني داخل نقابة الموسيقيين قدام السادة أعضاء اللجنة الكرام».
واستكمل: «واتسألت كذا مرة: إنت ليه لسه بتختبر لحد دلوقتي.. الحقيقة مش أنا اللي بختبر، أنا عضو في نقابة المهن الموسيقية، منتسب ثم عضو عامل لأكتر من 15 سنة».
وأضاف أحمد جمال: «أنا كنت مع زوجتي الفنانة فرح الموجي، وهي اللي كانت بتختبر، وأنا كنت موجود معاها.. الأساتذة الأفاضل، أعضاء اللجنة، بكل حب طلبوا يسمعوا موال (أشكي لمين الهوى)».
واختتم: «اللي بدأت بيه اختبارات أراب أيدول في بداية مشواري، وده حصل بصورة ودية، لأن علاقتي بكل أعضاء اللجنة قائمة على الحب والاحترام على مدار سنين، والحمدلله».
