تحدثت الفنانة روجينا عن تأثير عمل زوجها الفنان أشرف زكي كنقيب المهن التمثيلية عليهم، وحقيقة شعورها بالغيرة.
قالت روجينا في لقاء مع الإعلامية شيرين سليمان ببرنامج سبوت لايت المذاع على قناة صدى البلد: «هو صاحب الفضل والسند وحبيب عمري ورفيق الرحلة».
وتابعت: «وحبيبي وبعد أمي هو اللي آمن بموهبتي ولحد دلوقتي بيدعمني وواقف في ضهري ربنا يحفظه ليا وللبنات».
واستكملت روجينا: «زمان كنت بتضايق وبحس إن النقابة واخداه مننا ومن البيت وبطلت لما بقيت أحس أن ربنا اختصه بحاجة كبيرة لقضاء حوائج الناس وأي حد في أزمة بيكلم أشرف زكي».
واختتمت: «وهو عنده موهبة مش عند ناس كتير يعني أنا جدعة ولطيفة ولكن معنديش هذه الطاقة والأحاسيس مبحبش أروح جنازة أو عزاء برجع مكتئبة وبتعب نفسيًا وبعيط لكن هو ربنا يكون في عونه».
