قال الرئيس عبد الفتاح السيسي إن الحكومة تتعرض لضغط كبير، معلقا: «فيه ضغط كبير في الإعلام على الحكومة.. والحكومة كانت زعلانة.. اتقوا الله في الحكومة.. لو كان التغيير هيحل المشكلات لاتخذت القرار فورا.. لكن أنا عارف الحكاية.. لو وفقنا فضل من الله ولو لم نوفق يبقى ربنا يوفقنا».
وتابع الرئيس السيسي خلال كلمته بمنتدى مصر: أنا عملت المنتدى دا علشان الناس البسيطة تسمعنا.. إن المرء ليصدق ويتحرى الصدق حتى يكتب عند الله صديقا.
وأضاف الرئيس السيسي: انتوا قاعدين على مواقع التواصل بتعملوا لايكات وشير على منصات التواصل الاجتماعي أنا ممعيش تليفون فيه الحاجات دي.. كل كدبة أو ادعاء غير حقيقي أجره إساءة عند ربنا.. والله العظيم التليفون اللي معاكم دا يا حسنة جارية يا سيئة جارية.
وواصل الرئيس السيسي: اللي اتعمل في الـ12 سنة اللي فاتت ده فضل وكرم من ربنا اللي حماها في 2012 و2013 و2014، ربنا نجاها، وسبحانه عايز يقول أنا الملك اللي عايزة يكون واللي مش عايزة مش هيكون.. وبقول يارب لأجل خاطر النبي محمد وبسألك بكرمك ولطفك وحنانك تكمل فضلك علينا متشكر جدا
