أعربت الفنانة شيرين رضا عن استيائها بسبب انتقادات إطلالاتها، وردت على منتقديها رد حاسم من ختام مهرجان الجونة السينمائي.
قالت شيرين رضا عبر تصريحات تلفزيونية: «بينتقدوني كتير جدًا، النقد كنقد عادي مش مشكلة لكن قلة الأدب مش نقد دي بتوري البني آدم اللي بيقل أدبه قد إيه هو صغير ومستخبي ورا كيبورد.. عاوز تنقد ومش عاجبك فستاني قول مش عاجبني فستانك، إنما بقى عجوز وشمطاء، أنت مالك حضرتك أنا بخرج على حسابك؟».
رد شيرين رضا على منتقديها
وتابعت: «بلبس على حسابك؟ حد بيشتري لي منكم حاجة أنتوا مالكم مش عاجبكم متتفرجوش، هتيجوا تنقدوا انقدوا أنا مع النقد مش عاجبك فستاني قلي مش حلو إنما تجود من عندك لأ أسفة».
واستكملت شيرين رضا: «أنا شخصيًا ماببصش على حاجة، يعني الافتتاح مش الناس عملت هوجة والله العظيم ما قرأت حاجة أنا اتقالي، بس أنا قرأت عن الناس التانية ومبيعجبنش النقد الفاشل والسافل جدًا».
آخر أعمال شيرين رضا
يشار إلى أن آخر أعمال شيرين رضا مشاركتها في بطولة فيلم الكراش مع أحمد داوود، ومسلسل وننسى اللي كان مع ياسمين عبدالعزيز وكريم فهمي ضمن موسم دراما رمضان الماضي.
