وقال خلال لقائه مع الإعلامي أحمد موسى في برنامج «على مسئوليتي» المذاع على قناة «صدى البلد»: «قابلت الرئيس مبارك وكنت من الدائرة الصغيرة آخر 5 أيام، وكل مرة قابلته فيها كان همه سلامة البلد وتداول السلطة، وقالي: مش عايز أي حد يتضرر من الشباب ومش هرشح نفسي ولا حد من أسرتي».
وأضاف: «مبارك راجل محترم، وأخطاؤه مينفعش تتكرر وله إنجازاته، مكنتش أحب أشوف مبارك في قفص الاتهام لأنه راجل محترم حارب لبلده وحماها».
وتابع: «كان بيتكلم في الحزب أن الدين الخارجي ميزدتش عن 28 مليار،أخر 5 سنين في حكم مبارك كانت الأفضل على عكس ما يتردد القطاع الخاص كان يمثل 65% من اقتصاد البلد، الدولار كان ب 6 جنيه، النهارده 56 جنيه».
واستطرد: «كان فيه مساحة حرية كنت أستحق إنها تزيد، واللي جه بعد 2011 قالوا كان فيه مساحة حرية عملت 2011 ومينفعش تكون موجودة».
وأوضح: «وقلت أيام الرئيس مبارك، كان لابد من تداول السلطة، وقعدت مع قادة الشباب في التحرير وكانوا مستعدين يقفوا وراه وهو بيقول خطاب التنحي، وشباب المعارضة والإخوان قعدت معاهم، وأي حاجة كانت يمكن تتلم، لكن كان فيه حقن في الموضوع».
