كشفت الفنانة شيماء سيف هوية الفنانة التي وجهت لها تعليق بشأن الإنجاب ووزنها حيث قالت لها «مش هتخلفي غير لما تخسي».
قالت شيماء سيف عبر تصريحات تلفزيونية، إن الفنانة أيتن عامر صاحبة التصريح، وليست انتصار أو بدرية طلبة، موضحة أن هناك فنانات تعرضن للظلم بسبب تداول أسمائهن باعتبارهن صاحبات التصريح.
تصريحات شيماء سيف
وتابعت: «فيه ناس اتظلمت واتاخدت في الرجلين، واتقال إن اللي أحرجتني في موضوع الخلفة هي بدرية طلبة، مش هي عشان حبيبتي، واتقال إنها انتصار وبرضه مش انتصار».
واستكملت شيماء سيف: «أيتن عامر هي اللي قالتلي كده، ودلوقتي إحنا تمام وبنسلم على بعض»، لافتة إلى أنها تحب تقديم النصائح للآخرين، لكنها ترى أن بعض المواقف لا تحتاج إلى تدخل أو مساعدة من أي شخص، خاصةً عندما تتعلق بأمور شخصية شديدة الخصوصية مثل الإنجاب والوزن.
موقف شيماء سيف من الإنجاب
واختتمت: «الموقف ده مش محتاج مساعدة ولا حاجة من حد، في حاجات مينفعش ندخل فيها، المشكلة مش في أيتن، المشكلة في الموضوع نفسه، في حاجات مينفعش نقرب فيها عند الناس، يعني مامتي كانت بتقولي ربنا يرزقك بالخلفة قولتلها ماما ادعي لوحدك».
