حرصت الإعلامية سالي عبدالسلام على توجيه رسالة ونصيحة لمتابعيها، للحث على الصلاة وعدم الالتفات للتعليقات السلبية.
قالت سالي عبدالسلام في فيديو نشرته على حسابها الرسمي بموقع انستجرام، وهي مرتدية «إسدال الصلاة»: «الفيديو السنوي ميعادنا مع حطيتي ميك أب وهتصلي؟».
نصيحة سالي عبدالسلام عن الصلاة
وتابعت: «أه حطي ميك أب وكوني متوضية من قبلها وصلي أنا بقول أه عشان كل واحدة تيجي تقولك لا مينفعش تصلي بالميك أب أحسن من اللي مبيصليش مليون مرة».
واستكملت سالي عبدالسلام: «وهنعيد تاني نفس الكلام أه اتوضي وحطي ميك أب ومانيكير وصلي، المسلم من سلم الناس من لسانه مفيش حد قلبه عمران بالإيمان ومؤمن بجد هيكره الناس في الصلاة».
تصريحات سالي عبدالسلام
وأضافت: «حتى لو إيه بيقولها بالحسنى أو مبيقولهاش ويسيبها لربنا أنه يرده إليه ردًا جميلاً مفيش حد متدين قبله مؤمن ومحترم بيكتب لحد كومنت وحش لما يلاقيه بيعمل حاجة بالعكس بيشجعه على الطاعة».
وعلقت سالي عبدالسلام على الفيديو قائلة: «الصلاة.. إلا مكالمتك مع ربنا وصلتك بيه! يا مقلب القلوب ثبت قلبي على دينك أوعى أي حاجة توقفك عن صلاتك نفسي نشجع بعض على الطاعة ونبطل نزايد ونحبط بعض، لو خليت حد يوقف الصلاة بسببك عشان بيعمل معصية أو ذنب دي كبيرة!».
واختتمت: «والله مفيهاش هزار وخفة دم أو أنك الأقوى وكسبت الصلاة تشدك وتخليك قلبك سليم لو صحيحة، ربنا غفور رحيم بس في من عباده صعبين أوي ربنا يبعدهم عننا اللهم أبعد عنا الشيطان وأعوانه».







