تحدث الفنان طارق الدسوقي عن أسباب اعتذاره عن مسلسل جعفر العمدة للفنان محمد رمضان بجانب رأيه في الوسط الفني من دراما وسينما.
تصريحات طارق الدسوقي
قال الفنان طارق الدسوقي في تصريحات تلفزيونية: «أي خطبة يقولها الشيخ في الجامع أو القس في الكنيسة ليست مؤثرة مثل الدراما.. معنديش وسيلة لإعادة عقليات الناس ومنظومة القيم والأخلاق غير الدراما».
واستكمل: «الصورة والحدوتة لإن إحنا كشعب مصري وعربي بنميل لـ ده وبتأثر على ملايين الناس وبنتأثر أكتر من أي حاجة تانية مباشرة».
طارق الدسوقي ومسلسل محمد رمضان
وكشف طارق الدسوقي لأول مرة أيضًا سر اعتذاره عن مسلسل العمدة الذي ينافس به محمد رمضان ضمن موسم مسلسلات رمضان 2023.
أكد طارق الدسوقي أنه يريد أن يشارك في عمل يؤثر على عقليات الناس، مضيفًا: «اتعرض عليا عملين السنة اللي فاتت واعتذرت، ومسلسل محمد رمضان ممثل جيد شاطر، محمد سامي شاطر جيد، الكاست كويس جدًا».
الفنان طارق الدسوقي
وتابع: «لما قرأت المسلسل، وروحت وقعدت مع محمد سامي واتكلمنا، في الحقيقة فيه اختلاف كبير بوجهات النظر، حسسني إن مش هو الدور اللي أرجع بيه للناس، وكل واحد بيبقى ليه وجهة نظره، وببساطة شديدة إن وجهة نظر محمد سامي المخرج إن مش المهم إن إحنا نعمل الفن والدراما».
واختتم الفنان طارق الدسوقي: «علشان نسلي الناس مرة نضحكهم نبكيهم..المهم إزاي نسمرهم قدام الشاشة».
