تحدث الفنان والملحن عمرو مصطفى عن تعاونه مع الفنانة شيرين عبد الوهاب، قائلًا: «أغنية المترو كانت حاجة جديدة واللي جاي هتطلع حاجات حلوة».
تصريحات عمرو مصطفى
علق عمرو مصطفى في تصريحات تلفزيونية له على جدل تصريحات شيرين عبد الوهاب الأخيرة بأنها صوت مصر، والمنافسة بينها وبين أنغام، قائلًا: «الاتنين لهم تاريخ».
وتابع: «لكن الشعوب هي اللي تحدد لقب كل فنان، ومش هشتغل تاني أعطي أغنية لمطرب لكن أنتج له يعطيني صوته ولكن يتغير هذا بشرط أن يدفع الفنان فلوس كتير».
عمرو مصطفى وأغاني المهرجانات
كان قد هاجم الفنان عمرو مصطفى فساد أغاني المهرجانات، وأكد على أن الذكاء الاصطناعي ما سيقضي على هذه الظاهرة، قائلًا: «أنا شايف إن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة».
قال عمرو مصطفى في تصريحات تلفزيونية له: «الورثة نفسهم ممكن يختاروها وكمان الجمهور، وأنا بعتبر مي فاروق من أهم الأصوات المصرية ومش غرور بس أنا اسمي وشغلي والـ 25 سنة اللي اشتغلتهم يسمحولي إني أجرب وأشوف».
واستكمل: «الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية، وأغنية افتكرلك إيه هتنزل كاملة بصوت أم كلثوم بعد ما اتصالحت مع الورثة».
عمرو مصطفى : الصناعة تنحدر وأغنية افتكرلك إيه هتنزل بصوت أم كلثوم
