أحمد العوضي: مفيش كرامة بين المحبين وأنا ناشف عشان ابويا اللي رباني

تحدث الفنان أحمد العوضي عن السبب الخفي ورا نجاح العلاقات الزوجية وهو عن طريق المشاركة في الرأي وليس فرض السيطرة.

أحمد العوضي يتحدث عن علاقته بزوجته ياسمين عبد العزيز

قال العوضي في تصريحات تلفزيونية: 'أول الجواز كنت عصبي جدًا وكنت واخد الموضوع كله إني هفرض سيطرتي، ومع الوقت فهمت أن الموضوع شركة ومش عيب إن الراجل ياخد الرأي الصح، لأن أي زواج وعلاقة ناجحة تعتمد على السرية بين الطرفين، وفي الأول ممكن تحصل مشكلة وتحكوا لحد، وممكن تبقى عايز تصالح، ومفيش كرامة بين المحبين، الكرامة ديه تأتي بسبب تدخل بعض الأفراد في العلاقة، وأنا وياسمين في اربع سنين تكيفنا مع بعض'.

ياسمين عبد العزيز وأحمد العوضي

تعاون أحمد العوضي مع زوجته

وتطرق الحديث عن تعاون العوضي مع زوجته مجددًا في مسلسل ضرب نار، وقال: 'كان لينا هدف أنا وياسمين اننا نقدم حاجة حلوة، ومسلسل حلو عشان الناس مستنيانا بعد مسلسل اللي ملوش كبير، وجت من هنا فكرة ضرب نار، واحنا مش واخدين قرار إننا نكون ثنائي، حسب الموضوع اللي قدامنا، ولما عملنا اللي ملوش كبير ونجح حبينا نوثق النجاح ده بضرب نار وممكن السنة الجاية منبقاش مع بعض ورمضان اللي بعده نرجع وهكذا'.

تصريحات أحمد العوضي

حرص أحمد العوضي أن يعطي نصيحة للشباب، وقال: 'متروحش لسكة المخدرات لإنها بتدمرك، حتى لو شايف إنك بتاخد قليل منها، والعقل هو اللي بيوزن كلامك، حتى لو شقي العقل هو اللي بيوزن كلامك حتى لو بتتخانق'، مشيرًا إلى أنه يحب ممارس الرياضة كثيرًا.

وقال: 'الرياضة هي عمود الحياة، وهي اللي هتخليك بنى آدم، ولازم تلعب أي رياضة، ولازم طول الوقت أنزل ألعب الرياضة اللي عايزها'.

أحمد العوضي

وعن نشأته، قال العوضي: 'أنا معتز جدا بنشأتي وبحب طفولتي في عين شمس، ولسة سايبها من قريب، وبحس إني سفير للطبقة الشعبية والطبقة اللي خرجت منها، وطول الوقت بطلع أقول إني فخور بعين شمس، وأنا بعتز جدا بيهم، أنا اتربيت في بيئة بسيطة جدا وبيتنا كان 60 متر ووالدي محرمنيش من أي حاجة، ويمكن أنا ناشف شوية عشان أبويا بس اللي رباني، أمي توفت وأنا عندي 9 سنين فمكنش فيه أم. وأي حاجة بنجح فيها لازم أنزل الشارع هناك عشان أشوف رد فعلهم عن ابنهم'.

واختتم أحمد العوضي حديثه عن الأكلات التي يحبها، وقال: 'أنا لحمجي، أي حاجة فيها لحمة تمام كبدة تمام، ومليش في المحاشي، وياسمين بتحب السوشي ولو كلت السوشي والأكل ده أحس إني ارتكبت جريمة، يعني آكل عكاوي، كوارع، لحمة رأس، فتة، أنما سوشي والحاجات دي بيتاكلوا إزاي أصلا'.

تصرف غريب من ياسمين عبد العزيز تجاه أحمد العوضي بعد طلبها الطلاق

ياسمين عبد العزيز تطلب الطلاق وأحمد العوضي يُحرج معجب.. القصة الكاملة

بعد صورة الكبدة.. ياسمين عبد العزيز لـ أحمد العوضي: طلقني

قصة تنمر ياسمين عبدالعزيز على زوجها أحمد العوضي

ياسمين عبد العزيز تسخر من «لوك» أحمد العوضي الجديد.. ماذا قالت؟