أحمد بتشان ينجو من حادث سير ويعلق: مبقتش فاهم ليه كل فرحة وراها ابتلاء

تعرض الفنان أحمد بتشان لحادث سير صباح اليوم الأحد، وأعلن عن الواقعة عبر منشور على حسابه الرسمي بموقع فيسبوك، حيث نشر صورًا للسيارة بعد الحادث وشارك جمهوره تفاصيل اللحظات الصعبة اللي مر بيها.

وقال بتشان إنه رغم إن دي مش أول مرة يمر فيها بموقف زي ده، لكنه المرة دي حابب يتكلم لأنه مش فاهم ليه كل ما يكون مبسوط أو عنده مناسبة سعيدة زي نزول أغنية جديدة أو عيد ميلاده لازم يحصل له حاجة بعدها.

وأكد الفنان إنه بيتعامل مع اللي يقدر عليه من غير ما يتكلم كتير لأن “دي حاجات بيني وبين ربنا”.

وبالرغم من قوة الخبطة، طمّن أحمد بتشان جمهوره إنه بخير، وأوضح قائلًا إن ربنا نجّاه وإن الحادث جت في الحديد بس، مؤكدًا إنه راضي بكل اللي بيحصله وشايف إن ده كرم من ربنا لأنه كان ممكن يحصل الأسوأ.

ووجّه رسالة شكر وامتنان ربنا على الستر، ودعا إن ربنا يحفظ الجميع ويبعد عنهم أي شر.