أخبار الفن.. مؤامرة ضد شيرين عبد الوهاب.. وإصابة كندة علوش بالسرطان

شهدت الساعات الماضية أجواء مثيرة داخل الوسط النفي، بعدما أعنلت الفنانة شيرين عبد الوهاب أنها تعرضت لمؤامرة من جانب شقيقها محمد عبد الوهاب، بعد أن تعاقد مع إحدى الشكرات إدارة صفحاتها على السوشيال ميديا دون الرجوع إليها بموجب توكيل عام.

كندة علوش تكشف عن إصابتها بالسرطان

وكشفت كندة علوش عن إصابتها بمرض سرطان الثدي، بعد 9 أشهر من ولادة ابنها كريم، بدأت تشعر بآلام في الثدي أثناء الرضاعة، فتوقفت عن الرضاعة الطبيعية، واستمر الألم 5 أشهر بعدها ولم يتوقف، وأجرت فحوصات طبية، واكتشفت وجود أكثر من ورم خبيث في الثدي.

وأضافت كندة علوش في تصريحات تليفزيونية: «لما عرفت بإصابتي بالسرطان قعدت متنحة شوية، بس منهارتش ومعيطتش .. ربنا نزّل عليا من أول ثانية سكينة وطمأنينة رهيبة من وقتها، وبقالي سنة وشهر بتلقى العلاج الكيماوي حتى وقتنا هذا، وعمرو جوزي كان بيصر يجي معايا جلسات الكيماوي، وكنت بقرأ قرآن».

كندة علوش

وأوضحت كندة علوش، قائلة: «عندي تاريخ مرضي في العيلة مع السرطان خالي وجدتي وخالتي توفوا بيه، بس مكنتش متوقعة يجيلي.. ورفضت إني أقول لحد عشان كنت عاوزة أخوض الرحلة لوحدي، ومحدش يتعامل معايا كمريضة، عشان مدخلش في موود المرض وأتعب زيادة».

واستكملت كندة علوش حديثها قائلة: «قررت أعيش حياتي بشكل طبيعي، لأن أولادي صغيرين فمينفعش أدخل أجواء المرض للبيت.. وكنت بسيبهم في المصيف كل أسبوع آجي أخد جرعة الكيماوي وارجع في نفس اليوم.. وده كان شيء مرهق جدًا».

شيرين عبد الوهاب: اخويا باعني وحسام كلامة مظبوط

حسمت الفنانة شيرين عبد الوهاب، الجدل المثار مؤخرًا بين شقيقها محمد عبد الوهاب، مع طليقها الفنان حسام حبيب، بعد تسريب تسجيلات صوتيه له يؤكد من خلالها أن الأزمات التي تعرضت لها مؤخرًا وابعدتها عن الساحة الفنية وعن جمهورها بسبب شقيقها، مؤكدة على أن كلام «حسام حبيب»، هو الحقيقة، وأن شقيقها باعها لإحدى الشركات، على حد وصفها.

وأوضحت شيرين عبد الوهاب، خلال تسجيل صوتي، قائلة: «مساء الخير على جمهوري الحبيب أنا فوجئت باللي بيحصل على السوشيال ميديا بين محمد عبد الوهاب وبين حسام حبيب، فأنا حبيت آكد أن كلام حسام مظبوط جدًا وأني أخويا فعلاً باعني، والتصريح اللي نازل ده نزل من محامي محمد شامي المستولي على السوشيال ميديا بتاعتي، وبتوكيل أنا كنت عاملاه له قديم، مضاله عقد بتخليه يحصل على السوشيال ميديا بتاعتي، وموقعين بتاريخ قديم، وفعلاً كل اللي قاله حسام حبيب مظبوط».

وأضافت شيرين عبد الوهاب، قائلة: «انا مبحبش دلوقتي اتكلم عن مشاكلي الشخصية عشان ما اشغلش حد والناس ماتفضلش تقول احنا ماورناش غير شيرين ومشاكل شيرين، بس لازم تفهموا أن في أغاني حلوة جدًا جدًا بالتعاون مع توما وعزيز الشافعي ومدين، وفي حاجات بتخلص عشان التصريحات والأوراق، عشان المشاكل اللي مع الشركة المنتجة اللي تخصني واللي فيها حد بشخصه قاصد يقعدني في البيت، احنا بنخلص الحاجات دي والأغاني هتنزل وهتعجبكم جدًا جدًا».

وأوضحت شيرين خلال التسجيل الصوتي قائلة: «عايزاكم ماتصدقوش أي حاجة من اللي محمد عبد الوهاب بيقولها، وبإذن الله الأغاني لما تنزل تعجبكم بس مشكور أن هو بيرد بالنيابة عن أهلي وهو اللي بيقول الحقيقة مش أهلي، برغم أن المحكمة حكمت في القضاء المصري، أن عقدي انتهى مع روتانا هم لسة رافعين قضايا عليا وموقفين الدنيا كلها بس أنا واثقة في نزاهة قضاء بلدي».

واعتذرت شيرين عبد الوهاب لجمهورها قائلة: «وأنا أسفة أني بشغلكم بأخباري، بس كان لازم أرد عشان صحيت من النوم لاقيت السوشيال ميديا مقلوبة، وأنا ماليش دخل في اللي بيحص ده، والله صدقوني أنا مش عايزة أضايقكم بأي أخبار عني سواء حلوة أو وحشة، عشان عارفة أن كل واحد فيكم أكيد عنده هموم وعنده مشاكل، مفيش في الدنيا غير شيرين، ده اللي بيتقال كل شوية شيرين شيرين».

وأشارت شيرين عبد الوهاب، قائلة: «صدقوني الفترة اللي فاتت كنت ساكتة ومبتكلمش في تصريحات ولا أي حاجة وعمومًا أنتم أهلي وفعلاً أثبتولي أنكم أهلي وبتردوا غبتي وبعد أذنكم في بيان رسمي هينزل من مكتبي مكتب الاستاذ ياسر قنطوش هيكون فيه كلام أوضح ويا ريت ماتصدقوش غير البيانات اللي بتنزل من مكتب الأستاذ ياسر قنطوش دي بتبقى تصريح مني شخصيًا، غير كدة دي شائعات وأكاذيب ماتصدقوهاش، وأنتم طبعًا عارفين مين اللي بيقول الحقيقة هو مش أهلي، وأنا بشكركم ا حبايبي ربنا يخليكم ليا وماتحرمنش منكم بحبكم قد الدنيا».

شقيق شيرين عبد الوهاب وحسام حبيب