أزمة زوجة حسن شاكوش مع مفيدة شيحة ورضوى الشربيني بعد حفل زفافها

أثارت ريم طارق زوجة حسن شاكوش، حالة من الجدل عقب ظهورها وهي تسجد بحفل زفافها أمام حضور حفل الزفاف، وهو ما عرضها لانتقادات عديدة من قبل البعض، وكان للإعلاميتين رضوى الشربيني ومفيدة شيحة رأي في التصرف الذي فعلته زوجة حسن شاكوش.

رضوى الشربيني توجه رسالة لزوجة حسن شاكوش

قالت الإعلامية رضوى الشربيني، في تصريحات تليفزيونية معلقة على واقعة زوجة حسن شاكوش: «ضجة كبيرة جدا حصلت على وسائل التواصل الإجتماعي وناس كتير مكنش عاجبها ده، وناس بتقول تريند وناس بتقول إنها بتعبر عن مشاعرها.. هقول إيه ست فرحانة وبتعبر عن فرحتها وعن شعورها ويمكن حسن شاكوش هي شايفة ان هو الراجل اللي بتعمله الحركة دي عشان تقوله الكلمتين دول».

رضوى الشربيني تعلق على سجود زوجة حسن شاكوش

رضوى الشربيني علقت أيضا على واقعة زوجة حسن شاكوش: «صحيح هي حركة أوفر جدا واحنا آخر حاجة كنا بنشوفها إن الرجالة هي اللي بتسجد وبتسجد بعد ما يجيبوا جوان في ماتشات الكورة».

وأضافت رضوى الشربيني: «احنا آخرنا شوفنا العرايس لما تبقى فرحانة قوي ومبسوطة قوي وسعيدة قوي انها بتبوس ايدين جوزها وكتف جوزها وتحضن جوزها، لكن مشوفناش واحدة ست تسجد في فرح .. وكل واحد من حقه يعبر عن طريقة فرحته بالطريقة اللي تعجبه».

مفيدة شيحة

الإعلامية مفيدة شيحة، علقت على سجود زوجة حسن شاكوش في حفل زفافها، قائلة: أقول لعروسة حسن شاكوش انتي قللتي من نفسك قدام أهلك، وقدام جوزك، وأوعي تصدقي اي كلام غير ده .. كل عروس يوم زفافها بتكون ملكة تخيلوا بقى الملكة دي سجدت علشان اتجوزت.. وأي حد بيشوف الصورة بيضحك وبيقول إيه ده هي ما صدقت اتجوزت؟ مش أوي كده ولو بتكيدي حد يبقى أنت قللتي من نفسك.

رد زوجة حسن شاكوش على سجودها

ريم طارق زوجة مغني ا حسن شاكوش، أثارت حالة من الجدل بعد سجودها بفستان الفرح عقب ظهورها أمام حضور حفل الزفاف.

قالت زوجة حسن شاكوش على جدل سجودها والانتقادات التي تعرضت لها، في تصريحات تلفزيونية: «مفيش حد هيضحك على ربنا وحسن شاكوش ده عوض ربنا وكنت واخدة عهد على نفسي لازم أسجد وأشكر ربنا أول ما أدخل قاعة الزفاف».

زوجة حسن شاكوش أضافت: «حسن أحسن واحد في الدنيا في عيوني، ومش بشغل دماغي بالانتقادات، وإحنا جيران لما كنا أطفال، وهو بالنسبة لي حاجة كبيرة أوي مش مجرد مطرب».

أول تعليق من ريم طارق زوجة حسن شاكوش بعد الزواج: عايزة نجيب أولاد بقى يا جماعة خلاص

أول رد من زوجة حسن شاكوش على جدل سجودها في القاعة

زوجة حسن شاكوش تتعرض للهجوم بعد السجود في حفل زفافها.. وتوجه رسالة للمعترضين