أسما شريف منير تعلن زواجها: «ربنا حقق لي اللي بتمناه».. صور

أعلنت الإعلامية أسما شريف منير خبر زواجها من خلال منشور عبر حسابها الرسمي على “إنستجرام”، مؤكدة أن هذا القرار جاء بعد رحلة طويلة قضتها مع نفسها.

وقالت أسما: “أنا الحمد لله اتجوزت، وده قرار جه بعد فترة طويلة من رحلة عشتها مع نفسي. من حاجات كتير قوي اتعلمتها، تجارب دخلت فيها، اختيارات وصلت لها، حاجات بقيت بحبها، وحاجات مابقيتش بحبها، فهمت نفسي أكتر، اتعرفت على نفسي أكتر، فهمت أنا محتاجة إيه من الجواز، إيه المهم وإيه اللي مش مهم، إيه اللي محتاج مجهود وإيه اللي مش محتاج مجهود”.

وتابعت: “وقعدت فترة كبيرة جدًا بدعي ربنا بإنه يعوضني خير ويعوضني خير صبري، لأني كنت في الفترة دي بحاول أقصى حاجة في الدنيا إني أحافظ على نفسي وما أغضبش ربنا، وحاولت إني أدعي ربنا كتير قوي إنه يقف جنبي ويختار لي، وكنت دايمًا بقول: يا رب اختار لي ولا تخيرني”.

وأضافت أسما: “كنت مركزة جدًا في موضوع إني أتعامل بالتوكل، وتوكلت على ربنا تمامًا تمامًا في القرار ده، مردفة: تعاملت على إنه هو اللي هيجوزني وهو اللي هيقول لي أعمل إيه، قلت له: سهل لي الطرق المعينة اللي أنت عايزني أعملها، أنا نيتي خير ومش عايزة أعمل حاجة غلط وعايزة أتجوز وأتستر وأعيش حياة كريمة فيها احترام وفيها تقدير وفيها عوض”.

واختتمت منشورها قائلة: “وكلمت مع ربنا كتير لحد ما جه وقت صدقت جدًا وكان عندي يقين غير عادي إن ربنا هيحقق لي الحاجة دي، لأني كنت عديت بفترة تعب كبيرة قوي نفسي علشان أقدر أتخطى ده، كان بفكرة إنه صحيت نفسي في الشغل وتوكلت على ربنا ومقررة إنه هو هيختار لي الأصلح”.