أسما شريف منير تكشف سبب زيادة وزنها وترد على منتقدي زواجها الثالث

ياسمين حمادة 09 يونية 2025 | 09:00 مساءً

كشفت أسما شريف منير سبب زيادة وزنها خلال الفترة الأخيرة، تزامنًا مع الاحتفال بعقد قرانها.

قالت أسما شريف منير في مقطع فيديو نشرته عبر حسابها الرسمي بموقع انستجرام: «وزني زاد بسبب إني باخد أدوية نوبات الهلع».

سبب زيادة وزن أسما شريف منير

وتابعت: «الأدوية دي بتتخن جدًا زي الكورتيزون، بس الحمدالله الفترة دي بسحب الدواء من جسمي، وده هيقلل من زيادة وزني الفترة الجاية، وعاملة اكستنشن في شعري طويل علشان أبان رفيعة».

واستكملت أسما شريف منير: «بشكر ربنا على كل حاجة حصلت من أول ما قابلت أحمد لحد اللحظة دي.. دي تالت جوازة ليا، لكن أول مرة في حياتي أحس إني عروسة».

تصريحات أسما شريف منير

وأصافت: «دايمًا كانت الناس بتنتقدني لكن المرة دي ردود الأفعال مش طبيعية كل الناس فرحانة ليا من قلبها، ورد الفعل أكدلي أن ربنا دايمًا لما بيحب حد بيحبب فيه خلقه، أنا شخص اندفاعي بيتحرك بمشاعره لو عملت حاجة بطلع أقول أنا عملت كذا».

واختتمت أسما شريف منير: «أما المرة دي داريت على شمعتي وكان عندي كتمان لحد ما الحاجة تكمل على خير وتبقى مدارية، وكنت بحاول أساعد البنات وأعلمهم، وأول فرح ليا عملت فرح كبير وجهزت للفرح شهور وفجأة مافدنيش حاجة وكله راح على الفاضي».