أشرف فايق يفاجئ الجمهور: جزء ثاني من «الزمهلوية» وفيلم عن قصة حياة محمد صلاح

أعلن المخرج أشرف فايق أنه كتب الجزء الثاني من فيلم الزمهلوية، لكن حتى الآن لم يدخل في إطار التنفيذ.

قال أشرف فايق عبر تصريحات إذاعية: «في الوقت اللي اتعمل فيه فيلم الزمهلوية، جالي أكتر من عرض لإنتاج جزء تاني ومن ضمنهم من 3 رجال أعمال أصحاب عزت أبو عوف».

مصير الجزء الثاني من فيلم الزمهلوية

وتابع: «والجزء التاني اتكتب وبطور فيه ماذا لو إحنا رجعنا للناس دي بعد كل الفترة دي إيه اللي حصل، وكتبت فيلم عن قصة حياة محمد صلاح وبطولة محمد صلاح هذا اللاعب الأسطورة».

وتحدث أشرف فايق عن كواليس فيلم الزمهلوية وسر اختياره للاسم، قائلًا: «وأنا بصور الفيلم ألتراس أهلاوي كان مستاء جدًا مني عشان قلت الزمهلاوية، قلتلهم أنا تحت أمركم سموا الفيلم الأهلي الأول، أنا جبت اسم الفيلم من عبدالحليم حافظ في برنامج عالناصية لما سألته أنت أهلاوي ولا زملكاوي أنا زمهلكاوي، ده أذكى حاجة اتقالت في الدنيا عشان ميخسرش الجمهور».

تصريحات المخرج أشرف فايق

واختتم: «الفيلم مكتوب قبل تنفيذه بـ10 سنين، كان في أكتر من 7 جهات إنتاج كانت عايزة تعمله، أنا كنت عايز اتكلم عن التعصب في كرة القدم مش عند الأهلي والزمالك بس عند كل الفرق».