أمير عيد يطرح أول أغنيتين من ألبوم Roxi.. تعرف على الكلمات

طرح الفنان أمير عيد أول أغنيتين من ألبومه الجديد الذي يحمل اسم «Roxi»، وهي أغنية اسمك إيه وأغنية حاجات جوايا.

يصدر أمير عيد ألبوم Roxi بشكل منفرد ويطرح أغانيه، التي يصل عددها إلى 5 أغاني على فصول متسلسلة حيث يحكي كل فصل قصة، يكملها الفصل الذي يليه.

أمير عيد ألبوم Roxi

والألبوم له طابع فترة الخمسينيات والستينيات، ومن إنتاج شركة Sony Music Entertainment Middle East‏، وكان قد روج للألبوم الجديد من خلال البوستر التشويقي.

ظهر أمير عيد في بوستر تشويقي لألبوم Roxi، بإطلالة كلاسيكية قديمة مع ندى أبادير، وعلق عبر حسابه الرسمي بموقع انستجرام: «Roxi 17-7-2024».

أمير عيد ألبوم Roxi

كلمات الفصل الأول من ألبوم روكسي

«وشي للبار وضهري للمكان

مش قادر ناس مش قادر عالكلام

تمام برمي السلام

لكن ده ميمنعش اني زهقان

عاوز شوشره بدون اي احتكاك

انا عايز حب كبير مش قادر ارتباط

انا عاوز لمه عشان لما بروح

دماغي بترقصني وبفكر في حاجات

حاجات جوايا انا لسه مش عارفها

حكايات وقصص كتير انا لسه بألفها

حاجات جوايا انا لسه مش عارفها

حكايات وقصص كتير انا لسه بألفها

سألتني انت مين قلتلها بحاول اكون انا

بلعب مع نفسي ساعات لعبه الاسئله

والحقيقه النتيجه كانت مذهله

شويه مخجله لكن هحكيلك

بحب الموناليزا عشان الناس بتحبها

بس الحقيقه عمري في يوم ما فهمتها

عندي شويه مباديء لكن متجزئه

عندي مشاعر فاضل تكه وتبقي ملزقه

بضحك ساعات في السينيما علي ضحك ناس

بس الحقيقه الفيلم غبي مفيهوش احداث

بعمل حاجات كتير محفوظه مش مفهومه

وحبيت عشان حاجات تانيه غير الاحساس

حاجات جوايا انا لسه مش عارفها

حكايات وقصص كتير انا لسه بألفها

حاجات جوايا انا لسه مش عارفها

حكايات وقصص كتير انا لسه بألفها

الطريق قصادي بس السبق مش سباقي

العالم ده متساق مش عايز منه حاجه

الناس بتجري حافظه ماشيه ورا الباقي

عالم كله كداب اكتر من الخواجه

مش مهم مش مهتم

لسه مش لاقي الحلم اللي يصحيني

المهم خليني احكيلك

خليني احكيلك شويه عن

حاجات جوايا انا لسه مش عارفها

حكايات وقصص كتير انا لسه بألفها

******************************

قلتلها اسمك ايه قالتلي ليه

قلتلها عادي انا حاسس ان في

بيني وبينك حاجه

مش هنخسر حاجه

ده غير انك جميله

جمال انا بفهم فيه

ايه رأيك ياسمك ايه

نمشي من هنا

ونعيش انا وانتي يوم

لنفسنا

انا ممكن اكون اي حاجه تحبيها

بكره تنسيها عادي

مفيش عندي مشكله

اعتبريني مانيكان

لبسيني اي شخصية

بقالي فتره زهقان

محتاج لحد حواليه

ونفسي اتشاف ياسمك اية

واتأكد اني موجود

عايز مشاعر

حتي لو مش حقيقيه

مش لازم نعرف اي حاجه او نشوف

و نعمل حساب لبكره والظروف

متيجي نعيش العمر كله وكأنه ليله

وبكره لما يجي نبقي نشوف

قلبي بيضق بسرعه طيخ طاخ طوخ

جوايه حب وانتي جوه منك خوف

والعمر بيجري بسرعه يا حبيبتي

ما تسيبي القلب يفكر بدل النفوخ

اعتبريني مانيكان

لبسيني اي شخصية

بقالي فتره زهقان

محتاج لحد حواليه

ونفسي اتشاف ياسمك اية

واتأكد اني موجود

عايز مشاعر

حتي لو مش حقيقيه

قلتلها اسمك ايه قالتلي ليه

قلتلها عادي انا حاسس ان في

بيني وبينك حاجه

مش هنخسر حاجه

ده غير انك جميله

جمال انا بفهم فيه».

https://www.youtube.com/watch?app=desktop&v=7Ymbmn1XYOk

حذف منشورات أمير عيد على انستجرام

وكان قد أثار أمير عيد تساؤلات الجمهور، بعدما حذف جميع منشوراته عبر حسابه الرسمي بموقع إنستجرام، ثم طرح مقطع فيديو واحد فقط، ويبدو كأنه برومو تشويقي لمقابلة تليفزيونية في أحد البرامج الحوارية الأمريكية الكلاسيكية القديمة.

وعلى الجانب الآخر، سيحيي أمير عيد حفل غنائي مع فريق كايروكي يوم 23 أغسطس المقبل على مسرح أرينا العلمين، ضمن فعاليات مهرجان العلمين بدورته الثانية.

أمير عيد - دواعي السفر