«أنا ابن المهنة بقالي 23 سنة».. إيهاب صالح يعتزل إدارة الأعمال ويتفرغ للإعلام بمشروع جديد

أعلن الإعلامي إيهاب صالح اعتزاله العمل بمجال إدارة الأعمال نهائيًا وانسحابه من منصبه في إدارة نادي بيراميدز، مؤكدًا استمراره فقط في التقديم الإذاعي.

كتب إيهاب صالح عبر خاصية الستوري التابعة لحسابه الرسمي بموقع انستجرام: «بعد محاولات وتفکیر كتير وبكل هدوء، أنا قررت أنسحب وأسیب عملي في إدارة نادي پيراميدز وکمان شغلي في مجال إدارة الأعمال نهائيًا».

وتابع: «نجحت كتير وفشلت كتير في الاتنين في آخر كام سنة ووصلت لنتيجة إني مش هسمح لأي حاجة تقلل مني ومن مكاني وتشفط من مجهودي وصحتي لمجرد سعيي ورا الفلوس بكل صراحة ولازم كنت أخد وقفة وأبقى صريح مع نفسي واعترف».

واستكمل إيهاب صالح: «أنا ابن مهنة الإعلام بقالي 23 سنة وشايف إن ده بيتي ومصدر راحتي واللي في وجهة نظري سعادتي ونجاحات کتیر اتحققت فيه الحمدلله  صاحب بالين كداب».

وأضاف: «شكرًا لكل من وقف جنبي ودعمني في الأوقات الصعبة دي وکل وقت في مشواري وآمن بيا والشكر الأكبر لربنا سبحانه وتعالى.. في الآخر أنا في المراحل النهائية من تحضير مشروع إعلامي هو الأول من نوعه في المنطقة وفکر وشكل جديد لمعنى البودكاست، إن شاء الله يشوف النور قريب قوي قوي خلاص».

واختتم: «طبعًا مستمر في بيتي ومطرحي في نجوم إف إم لآخر نفس فيا، المكان إللي عملني وإداني وسبب كبير في كل اللي أنا فيه قدام نفسي الحمدلله.. ظروف وأيام صعبة أكيد عليا وعلى الكل.. لكن إيماني بربنا كبير جدًا وأكيد فيكم، بشكركم من كل قلبي إنكم كنتوا الداعم الأكبر ليا طول مشواري».