«أنا بريئة من ضرب ابني».. الأم ترد على فيديو الرضيع وتكشف روايتها

خرجت السيدة التي ظهرت في مقطع فيديو متداول يتضمن الاعتداء على الرضيع في فيديو جديد للرد على ما أثير حول الواقعة، مؤكدة براءتها من ضرب ابنها، ومقدمة روايتها بشأن الخلاف مع زوجها والد الطفل.

وقالت في الفيديو: «في حاجة مهمة لازم الكل يعرفها، هي على الصفحة بتاعته مين اللي شير ومين اللي نزل ومين اللي صور، ما هو الذكي لازم تسيب وراها حاجة».

وأضافت متحدثة عن منشور زوجها: «أبو ابني واللي هو متجوزني واللي هو قاعد معايا واللي أنا لسه على ذمته، قال حاجة كدب، والبوابين قالوا حاجة تانية والشارع كله قال حاجة تانية».

وتابعت: «قال إيه بقى؟ قال يا جماعة الست دي أم ابني خدت مني ابني، وشيروا معايا علشان أقدر أوصل لها وأوصل لابني، الكلام ده مكتوب على صفحته حالًا».

واستنكرت ما وصفته بالتناقض بين منشور زوجها وما تقول إنه حدث بالفعل، قائلة: «إزاي هو كان نازل من عندي من نفس اليوم، والبوابة قالت له يا أستاذ والماتور...»، قبل أن تشير إلى أن البوابة والجيران، بحسب روايتها، يعرفون أنه يتردد على المنزل باستمرار.

وأضافت: «طب الشارع كداب والبوابة كدابة والبوابين اللي في الشارع كدابين، وأنا كدابة؟ اللي هما شايفينك مقيم معايا كل يوم وطالع نازل كل يوم، وأنت مقيم معايا؟ طالما كدبت في حاجة يبقى كلامك كله كدب».

وكان مقطع فيديو قد انتشر على مواقع التواصل الاجتماعي، وأثار غضبًا واسعًا، بعدما ظهرت خلاله سيدة وهي تضرب رضيعًا على الوجه والرأس، ما دفع متابعين إلى المطالبة بكشف حقيقة الواقعة والتحقق من هوية السيدة والتأكد من سلامة الطفل.