أيمن بهجت قمر يكشف حقيقة زواجه السري: اللي هتجوزها المفروض أكمل معاها

علق الشاعر والسيناريست أيمن بهجت قمر على أنباء زواجه السري، بعد تداول فيديو أثار جدلًا خلال الساعات القليلة الماضية.

كتب أيمن بهجت قمر في منشور عبر حسابه الرسمي بموقع فيس بوك: «الفيديو ده لما نزل حصل لي شوية لخبطة وأنا وقتها معلقتش عليه ومعنديش أي مشكلة معاه بس لقيت ناس كتير بعده بتقول إني متجوز».

حقيقة زواج أيمن بهجت قمر

وتابع: «في حقيقة الأمر أنا ما اتجوزتش لسه بعد انفصالي عن أم أولادي وفكرة الجواز والاختيار بالنسبة لي مش سهلة أوي كدة لأن الست اللي هتجوزها هي اللي المفروض أكمل معاها اللي باقي من عمري».

واستكمل أيمن بهجت قمر: «ودي الست اللي هتورثني وتدخل مع ولادي في إعلام الوراثة.. واللي هيتقال عليها لحد آخر يوم في عمرها حتى لو أنا مش موجود إنها كانت مرات فلان الفلاني».

تصريحات أيمن بهجت قمر

واختتم: «ودي لازم تبقى واحدة أنا حاسس فعلا إنها الست بتاعتي وأبقى شايفها في عيني ست الستات كلهم ودي لحد دلوقتي مش موجودة في حياتي وأكيد لما تظهر هقول على طول.. فأنا بس حبيت أوضح».