أيمن بهجت قمر يهاجم حسن شاكوش: « بجد عيب اللي حصل ده وماينفعش يعدي»

نشر السيناريست أيمن بهجت قمر فيديو حسن شاكوش خلال حفلته الأخيرة بالساحل الشمالي، وظهر خلال الفيديو وهو يغني «رضا جه ياأم رضا» وتلفظ بألفاظ خارجة، مما تسبب في أزمة بينه وبين المطرب الشعبي رضا البحراوى فى مدينة الساحل الشمالى .

وعلق قمر على الفيديو قائلاً، « يا خرابة  في حفلة عامة !!!!!دكتور خالد عبد الجليل .. ا. هاني شاكر ياريت تشوفوا الفيديو ده وانا متأكد ان ده مايرضيكوش .. بجد عيب اللي حصل ده وماينفعش يعدي».

أزمة جديدة حدثت بين الفنان حسن شاكوش، ورضا البحراوي، وخرج كل منهما للرد على الأخر خلال «فيديو» عبر حسابهما الشخصي «فيس بوك»، بعد الحفل الأخير الذي جمع بينهما في الساحل الشمالي منذ أيام .

حسن شاكوش يرد على «رضا البحراوي»: «أنت دماغك صهيونية »

رد المطرب حسن شاكوش على رضا البحراوي في «لايف» عبر صفحته الشخصية «فيس بوك»، قائلاً، «اعرف يارضا انت بتتكلم في ايه، وانا كبرت للناس اللي ادخلوا بينا، وخليت ناس من فرقتك تدخل تشتمنى على صفحتي، أنت دماغك صهيونية »

وتابع، «أنا مكنتش بتصل بيك عشان أقولك نعمل أغاني مع بعض، أنا بعتلك على واتساب وقولت لك كل واحد فينا في حتته، وياللي بتطالب بحقك من نقابة المهن الموسيقية، هوالفن بتاعك إنك تقول كان نفسي في شاكوش هو فين».

واستطرد «لو على الفن فهكلمك بالأرقام والتاريخ، ولو عديت من هنا للصبح فأنا قناتي 2 مليار مشاهدة، والأغاني بتاعتي أنت لو اشتغلت طول عمرك ولحد ما تبطل وشعرك يبقى أبيض، مش هتعرف تعمل أغنية زي بنت الجيران

رضا البحراوي يرد على حسن شاكوش

وظهر البحراوي في بث مباشر على حسابه الشخصي بـ “فيس بوك”،، قائلا: «أنا محترم ومش هغلط فيك وهأخد حقي من نقابة المهن الموسيقية بالقانون، الناس كلها بتحبني وانت عارف »

حدثت مشاجرة بين مغني المهرجانات حسن شاكوش، والمطرب الشعبي رضا البحراوي، في حفل غنائي بالساحل الشمالي .

وقد حدثت المشاجرة علي المسرح، وتدخل حمو بيكا لمحاولة إنهاء الخلاف، وقد بدأت الأزمة عندما صعد حسن شاكوش علي المسرح، في الوقت نفسه كانت فرقة رضا البحراوي على المسرح، بينما أصر شاكوش أنه لم يكمل فقرته إلا بعد خروج فرقة البحراوي من المسرح.

وحاول حمو بيكا تهدئة الأمر، بينهما ليكمل شاكوش حفله الغنائي في هدوء شديد .

وفوجئ حسن شاكوش بصعود فرقة رضا البحراوي على المسرح قبل أن ينهي حسن شاكوش فقرته الغنائية، وهو ما أثار غضب حسن شاكوش، ووجه لهم إشارات خارجة وبذيئة ومن هنا انهال السباب بينه وبين فرقة رضا البحراوي.

القصة الكاملة لـ «خناقة».. حسن شاكوش ورضا البحراوي في حفل الساحل

رضا البحراوي لـ «حسن شاكوش»: «هاخد حقي منك بالقانون»

[embed]https://www.youtube.com/watch?v=HhSlIj9lu8s[/embed]