ابنة علي الحجار في تصريحات جديدة: حاسة بالإهمال من زمان ولسه بتشافى من اللي شوفته

خرجت بثينة ابنة علي الحجار عن صمتها، وتحدثت في فيديو جديد، عن إهمال والدها لها منذ الطفولة.

قالت ابنة علي الحجار في فيديو عبر تطبيق تيك توك: «الناس اللي بتقول روحي اشتغلي هو حد فيكم بيشتغل وبيقبض كويس! أنه يجيب بيت ويصرف على نفسه وعيلته ويتبرع بفلوس وتتعالجوا وتسافروا؟، حد فيكم بيقبض كويس؟».

تصريحات ابنة علي الحجار عن إهماله لها

وتابعت: «حتى لو أنا بشتغل ده مش معناه أن أبويا ميبقاش عارف حاجة عني، ودي قصة من زمان مش بتكلم على اللحظة دي، أنا حاسة بالإهمال ده من زمان لأنه موجود مش بيتهيألي، مش حاجة جديدة أن حد يخلف عيال ويفكسلهم للأسف، وأنا متفاجئة قبل ما أنتوا تتفاجئوا، كل واحد عنده مسؤوليات يعملها، مش قد المسؤوليات مكنش يخلف أصلًا هي مش لعبة ومش بنلعب بأرواح الناس».

واستكملت ابنة علي الحجار: «أنا لسه بتشافى من اللي شوفته ومش منك بس من ناس تانية، الناس استغلالية ومش محترمة وظلمة وحقودة والموضوع كبير ومؤلم وطويل وقديم، متفهمونيش غلط أنا شخص بيتفهم غلط من وأنا صغيرة أنا بقول الحق بقول قصتي، وكان نفسي الموضوع ده يتحل من زمان من وأنا صغيرة، وبالفعل عملت شغل كتير مش عليا أعمله، وأنا فاهمة مصطلح كبش الفدا وبقيت أحب أقعد لوحدي وفعلًا تعبت من الناس».

تصريحات ابنة علي الحجار

واختتمت: «كان نفسي أتعلم حاجات في المزيكا وهو معلمنيش حاجة، وإحنا عندنا ثقافة لوم الضحية رهيبة في العالم كله، والناس بتستسهل وصعب نحاسب اللي مسؤول».