الرئيس السيسي: أحب قراءة التاريخ.. وأردد دائما دعاء سيدنا يوسف.. فيديو

قال الرئيس عبدالفتاح السيسي، إن أكثر أيامه سعادة حينما يشهد احتفالية قادرون باختلاف.

وتابع الرئيس السيسي خلال احتفالية النسخة الرابعة من قادرون باختلاف «أكتر حاجة فرحتني في اليوم اللي باجي هنا معاكم، بلاقي نفسي فرحان بيكم، ربنا بيجعلكم فرح ليا، لو الناس تعرف كانت العربيات توقف وانتوا بتعدوا، الفرحة الكبيرة بتاعت اليوم ده بخرج كأني اتغسلت».

وقال الرئيس السيسي إن الدعاء الذي يردده باستمرار هو دعاء سيدنا يوسف «رَبِّ قَدْ آتَيْتَنِي مِنَ الْمُلْكِ وَعَلَّمْتَنِي مِن تَأْوِيلِ الْأَحَادِيثِ ۚ فَاطِرَ السَّمَاوَاتِ وَالْأَرْضِ أَنتَ وَلِيِّي فِي الدُّنْيَا وَالْآخِرَةِ ۖ تَوَفَّنِي مُسْلِمًا وَأَلْحِقْنِي بِالصَّالِحِينَ».

وأضاف الرئيس السيسي: «بنحقق في المواصلات الجديدة المعايير اللي ممكن تسهل الحركة بسهولة للقادرون، بنتكلم على كل شيء ممكن يوفر وييسر على ابنائنا القادرون».

ووجه الرئيس السيسي، رسالة إلى أولياء أمور ذوي الاحتياجات الخاصة «أوجه تحية واحترام وتقدير للأسر ذوي الاحتياجات الخاصة، لأن أنا أب، ربنا يعينكم ويكافئكم على اللي بتعلموه وهتعملوه لأبنائكم».

وأضاف الرئيس السيسي «بقول كل إنسان بيسمعنا عايزين نخلى بالنا من بعضنا، وإن قدرنا نعمل حاجة حلوة نعملها ومتستقلش العمل ده، خليك أكثر إيجابية وهلي عندك سعة ورحمة وعطاء كبير والله السعيد اللي هيقدر يوقف جنب القادرون».

وتابع الرئيس السيسي «كان فيه أيام النبي صحابي اسمه جليبيب كان ضعف وفقير لكن كان مقدر جدا عند النبي، كان يسأله النبي مش هتتزوج يقوله لا مال ولا جاه ولا جمال مين يقبل جليبب اتعلمت من الموقف أن النبي بيعملنا ان نخلي بالنا من الضعاف، مفيش حاجة مخلوقة في الوجود كده، كل حاجة بحساب وقدر والملك ليه صاحب، صاحبه رب العباد».

واختتم الرئيس «بقول للمصريين اجروا وانتبهوا على أي أمر ممكن تقدم فيه حاجة للناس، كل الناس حتى لو ست كبيرة في السن، كان نفسي أشوف في مواقع التواصل حاجات من دي عن مساعدة الناس، النبي قالك تبسمك في وجه أخيك صدقة، والعطاء للناس مقالش أي ناس صدقة، بقول للمصريين اللي إحنا عملناه مع قادرون خطوة قليلة ولسه بدري أوي».

وحول المادة الدراسية التي كانت مفضلة للرئيس السيسي خلال مراحل التعليم، قال «التاريخ كان مليان دروس، دايما بقرأ في التاريخ، لأنه بيكون عبارة إنك عشت زمنين»

كما استجاب الرئيس السيسي إلى مناشد الطفل صلاح لسفر جدته إلى السعودية لأداء عمرة.

الرئيس السيسي عن تأهل مصر للمونديال: مفيش حاجة من غير إصرار.. فيديو

الرئيس السيسي: دايما بفكر في يوم القيامة ولقاء ربنا