الرئيس السيسي: أخطر شيء هو قياس الرضا الشعبي بما يتحصل عليه المواطن مباشرة.. فيديو

قال الرئيس عبد الفتاح السيسي، إن قدرات الدولة المصرية لم تكن كافية لتلقي ضربات هائلة بسبب الصراعات والحروب.

وأضاف السيسي، خلال فعاليات انطلاق المؤتمر الاقتصادي (مصر 2022) من العاصمة الإدارية الجديدة: «كنت بقول للناس إن 2011 عام إعلان وفاة الدولة المصرية؛ والشعب حينها اتحرك للتغيير وفي 2013 اتحرك للتغيير، ومحدش قال مثلًا إن التظاهر في دولة معينة خلى الدولار مش موجود في البنوك؛ مش هية دي الحقيقة، ومش عاوز أذكر اسم الدولة».

وتابع الرئيس السيسي: «الدولة دي ما استقرتش، وكل أرصدة المودعين بالدولار راحت؛ ويا ترى لما اتحركنا في 2013 واحنا بنتحرك كنا مستعدين لتكلفة التغيير اللي هي حوالي 77 مليار دولار؛ أوعوا تنسوا إني كنت أتمنى إن من يدعون إنهم حاملين راية الدين إنهم يكونوا صادقين وأمناء وشرفاء؛ وأنا بتكلم على تجربة إحنا عايشينها لدلوقت».

واستطرد السيسي: «حالة التشكيك مستقرة في وجدان الدولة على مسار 80 سنة، وكنت أتمنى أن يكون فيه صدق أمام الصدق؛ قسما بالله لم أتحدث كذبًا قط في أي حاجة كنت أتمنى أن يكونوا صادقين في تناولهم؛ أنت مجربتش لما تتولى إنها تخرب منك، مستعد تقابل ربنا وانت بتضيع 100 مليون علشان إنت مش عارف والا مش قادر؛ الدولة دي حكاية كبيرة قوي، وعاوزة قراءات كتيرة جدًا جدًا لسنوات كتيرة».

ولفت الرئيس السيسي، إلى أن «لما قلتلكم فيه 25 ألف ساعة عمل؛ الدول تدار باستراتيجيات ومراجعة ومتابعة، ووزير الأوقاف الناس مبتديلوش الفلوس؛ وكله كدة، وإعادة تنظيم وهيكلة الدولة بنعملة بهدوء لكل مؤسسات الدولة؛ وأوله قرار إن محدش يتعين تاني من 7 سنين؛ مش اتعين مليون ونص في 2011».

وأكد الرئيس عبد الفتاح السيسي، أن «أخطر شيء هو قياس الرضا الشعبي بما يتحصل عليه المواطن مباشرة وحرص المواطن عليه حتى لو كان على حساب الوطن، فيه ناس كانت بتموت في سيناء، وناس تفجر المساجد والكنائس على مدار الـ 7 أو 8 سنوات الماضية، واللي كان قدامي إني أخلي المسار مسار اقتصاد حرب».

الرئيس السيسي: كان لابد من استثمار رصيدي لدي المواطنين من أجل الإصلاح والبناء.. فيديو

الرئيس السيسي: الإسلام السياسي لم يعترف بالفشل بعد وصوله لحكم مصر.. فيديو