شوبير يكشف كواليس تهديد الزمالك بوقف النشاط الرياضي: يا سيدي وقف انت حر

انتقد الإعلامي أحمد شوبير، عضو اتحاد الكرة السابق، موقف نادي الزمالك في عدم دفع رسوم تسجيل لاعبيه المحترفين في كرة السلة والطائرة.

وقال شوبير في تصريحات إذاعية:' الزمالك جايب اتنين لعيبه أجانب واحد في فريق الباسكت والثاني في فريق الطايرة ، الزمالك جايب اللعيب بتاع الباسكت ده لوحده بنصف مليون دولار'.

الزمالك والاتحاد السلة

وأضاف:' في رسوم لـ الاتحادات لازم تدفعها عشان تسجل اللاعب، إتحاد السلة لما الزمالك راح يسجله ، قاله يا فندم ادفع الرسوم ، قالهم لا مش هدفع ، قاله مش هتسجل ، قالهم لا هسجل ، قالولوا طب شوف اللي هيسجلك'.

طائرة الزمالك

وتابع:' اتحاد الطايرة ناس ذوق ذوق قالوله طب اعملنا شيك كده عشان التسجيل والشيك ده حين ميسرة ، فأنا مش فاهم يعني ايه تكون دافع في لاعب باسكت نصف مليون دولار ومش عايز تدفع رسوم التسجيل'.

وأتم:' لا والزمالك بيقول هوقف النشاط لو اللعيبه متسجلتش ، طب يا سيدي وقف ، انت حر ، انت دافع نصف مليون دولار في لاعب باسكت ، اعتبر انك جبته ب 550 ألف دولار وادفع الرسوم'.

هل ينضم بدر بانون إلى الزمالك.. اللاعب يُجيب

شوبير يعلق على استبعاد كريم فؤاد من قائمة منتخب مصر