العلم ينصف ياسمين عز.. جمال شعبان: كلامها صح في قلب بالصدر والتاني بعضلة الساق

أنصف الدكتور جمال شعبان، عميد معهد القلب الأسبق، الإعلامية ياسمين عز فيما يخص تصريحاتها الأخيرة عن امتلاك الرجل قلبين أحدهما في صدره والآخر بالقدم، مؤكدا أنّه رغم تحفظه على آراء كثيرة لها لكن كلامها هذه المرة حالفه الصواب من الناحية العلمية.

وأضاف جمال شعبان في منشور عبر حسابه الرسمي بموقع فيسبوك: «يا ياسمين كلامك المرة دي علميا صح كل شخص له مع القلب اللي في صدره، وقلب تاني طرفي اللي هو عضلة الساق Soles muscle، عضلة ثلاثية لما تنقبض تضخ الدم عكس الجاذبية الأرضية والشخص واقف».

تصريحات ياسمين عز  عن قلب الرجل

وحرصت الإعلامية ياسمين عز، على توجيه نصائح للسيدات بمناسبة عيد الحب، مؤكدة أنه يجب الاحتفال بـ الرجل، تقديرًا لمجهوده.

وقالت ياسمين عز في تصريحات تليفزيونية: «عيد الحب للراجل تقدير لمجهود طول السنة، وأنا هسميه عيد حب الراجل، وبقول للستات بلاش تنكدي على جوزك عشان متبقيش ملعونة، وحبي تراب رجله وقوليله حاضر 365 يوم، وبوسي راس جوزك ومتنتظريش هدية لأن فرعونك الجائزة الكبرى.»

وتابعت: «الراجل عنده قلبين واحد في صدره والتاني في رجله الخلفية، ومتراجعيش ورايا ولو عايزة تتأكدي أسألي دكاترة القلب، يعني حفنة التراب اللي بيمشي عليها دي هدية من قلبه ورجله، والراجل عيونه هي الفيونكة».

أوضحت : «سيبي مسافة بينك وبين جوزك عشان متدوسيش على ضله، لأن علميًا ممكن يتوجع ويتأثر نفسيًا، وبصيله بـ نظرة المثلث المقلوب من تحت لفوق بـ رقة ودلال ودي عكس نظرة المثلث العادي اللي بنعملها لما بنتضايق من شخص، والراجل هو تاج راسنا ومنبع العسل والسكر وتراب رجله بالدنيا، وتعبان وشقيان طول السنة وبيجيب هدايا بدون مناسبة».

فرعون ياسمين عز

واختمت ياسمين عز نصيحتها للرجال بخصوص هدية عيد الحب: «يا فرعون يا تاج الراس يا فرحة حزننا ونعمة ربنا، فرعونا مفيش منه، وحفنة من تراب الراجل بالدنيا، جيب لمراتك حفنة تراب من تحت رجلك في منديل حرير، ولو تعرف قيمتك هتعرف قيمة التراب اللي ماشي عليه، لو هي جعفر هترمي الهدية وده اختبار وسقطت فيه».

ياسمين عز ترد على تصريحات إلهام شاهين: كل واحد يتكلم في اللي يخصه

حجاج عبد العظيم يعاتب ياسمين عز ورد فعل غير متوقع منها.. الصلعة السبب

على خطى ياسمين عز.. دومينيك حوراني: الراجل النكدي هخليه يفك لأنه محتاج يتدلع