الفنانة حنان يوسف : «كنت عايزة ابقى رقاصة.. ولو كان اتعرض عليا مشاهد بوس كنت هواف بس بقرف»

أثارت الفنانة حنان يوسف الجدل الساعات الماضية، بسبب تصريحاتها الجريئة، حيث تحدثت عن رغبتها سابقًا بأن تعمل كراقصة، كما أشارت حنان يوسف إلى عدم اعتراضها على تقديم مشاهد بها قُبلات.

فيما يلي يقدم موقع قناة صدى البلد ملخص تصريحاتها الجريئة:

تصريحات حنان يوسف

• كنت عايزة أبقى رقاصة في الأفراح كنت عايزة أبقى عالمة
• زمان كتت بتفرج على الرقصات وأروح أقلدهم في البيت، ولحد دلوقتي برقص في أوضتي اإبني بيرقص في أوضته هو كمان

• كنت معجبة جدًا بالعوالم وكنت بحب الرقص البلدي وبحسه معبر
• لو كان اتعرض عليا مشاهد فيها بوس كنت ممكن أوافق عادي عليها لكن أنا بقرف من البوس، وقبل كدة اتعرض قولت للمخرج لا أنا بقرف
• دلوقتي كبرنا ولا بقى فيه حب ولا بقى فيه بوس.
• لو الست حبت تتجوز في أي وقت لكن بدون حب متتجوزش
• الست بتعمل مجهود كبير زي الراجل، بتشتغل وبتودي الولاد المدارس وبتوديهم النادي وبتروح تعمل الأكل فلازم يساندوا بعض عشان الدنيا تمشي، بس الولاد مش فاهمين كدة عايزين زي ما ماما عودتهم بس دي مش أم دي زوجتك بيكون صعب عليها لأنها كدة هتعمل مجهود مضاعف
• الستات عندها تفاصيل كتير وشايلة كتير بس الناس تتناغم

أعمال حنان يوسف

جدير بالذكر أن أخر أعمال الفنانة حنان يوسف، كان مسلسل المشوار، للنجم محمد رمضان ودينا الشربيني، والذي عرض عُرض في موسم مسلسلات رمضان 2022 الماضي، وكانت تدور أحداثه حول ماهر، الذي يضطر لترك البلد رفقة زوجته ورد وابنه رحيم هربًا من رجل الأعمال وتاجر الأثار وجيه ويستقر عند خالته في منطقة الماكس بالإسكندرية في محاولة لإخفاء سره الكبير عن أعين الناس.

مها أبو عوف والفيلا المسكونة.. أسرتها عاشت مع العفاريت في سلام لسنوات