القصة الكاملة لمعاناة سمية درويش بسبب شيرين عبدالوهاب.. ماذا حدث؟

تحدثت الفنانة سمية درويش عن أزمتها ومعاناتها الفنية بسبب الفنانة شيرين عبدالوهاب، وذلك بسبب التشابه الكبير في الصوت والشكل بينهما.

قالت سمية درويش عبر تصريحات تلفزيونية: «زعلانة من نفسي وأنا بتفرج عليّ في الفيديو كليب، وحاسه إني ظلمت نفسي».

تصريحات سمية درويش

وتابعت: «أول ما الفنانة شيرين عبدالوهاب غنت كان صحاب في المدرسة بيفتكروا أن ده أنا، فأول ما طلعت تغني أنت حبيب العين والقلب مع محمد محيي صحابي كانوا فاكرني أنا».

واستكملت سمية درويش: «الموضوع ده ضرني جدًا، أنا بقيت في مقارنات من شارع وملحن ومنتج وفي كتير جدًا عارف فرق الصوت لدرجة في مرة قولت نغني مع بعض عشان نثبت أننا مش شبه بعض».

أزمة سمية درويش مع شيرين عبدالوهاب

وأضافت: «واللي كان بيجنني أنه بيتقالي إني بقلد شيرين عبدالوهاب.. بقلد مين؟!، أقلدها مين، وعشان الواحد طموحه عالي أقلد بيونيسيه، شاكيرا، مايكل جاكسون».

وأشارت سمية درويش إلى أنه خلال إحدى الحفلات على متن مركب سياحي كبير، كانت ستحيي شيرين عبدالوهاب حفلًا وفي الوقت نفسه يوجد صورة لسمية كجزء من الدعاية للحفل، ولكن عندما وصلت شيرين فوجئت بصورتها بجوارها وطلبت إزالتها فورًا مهددة بعدم الغناء في الحفل.

واختتمت: «أنا غنيت قلب وراح وشيرين سمعتها واتضايقت، وكان لها حق تضايق لأن ساعتها وأنا صغيرة كنت بغني على قدي، لكن كانت شايفة أني بغني وحش، بتشبهوني بيها إزاي، وهي حطاني في دماغها بتكرهني، أنا مش في دماغي ده».