«بتغيب والناس بتستناها».. غادة عبدالرازق ترد على تصريحات منى زكي عنها

وجهت الفنانة منى زكي رسالة مؤثرة للفنانة غادة عبدالرازق، وأشادت بمشوارها الفني.

قالت منى زكي عبر تصريحات تلفزيونية: «أكيد عندي خوف من الفشل بس هو مين مفشلش قبل كده؟ بس دي الدنيا لازم تبقي خايفة علشان تحافظي على اللي عملتيه ورغم الفشل بيبقى ليك مكانة في قلب الناس».

وتابعت: «وبيحضرني نجمة كبيرة وهي مش فاشلة خالص ولكن غادة عبدالرازق شوفي بتغيب قد إيه والناس بتستناها في أي لحظة، لأن أي عمل هي عملته قبل كده علم كويس أوي في الناس».

واستكملت منى زكي: «قصدت أتكلم عنها لأنها لازم تعرف قيمتها ولازم تفهم أن الناس مستنياها، هي أستاذة كبيرة وفنانة قوية ومتفردة في اللي بتعمله غير أي حد وبتعمله بقوة وثبات غير عادي».

وردت الفنانة غادة عبدالرازق على تصريحات منى زكي عنها، وكتبت عبر خاصية الستوري التابعة لحسابها الرسمي بموقع انستجرام: «ليا الشرف أسمع الكلام الجميل ده من نجمة جميلة وعظيمة زيك».

وتابعت: «شكرًا يا منى على قلبك الجميل وإحساسك الراقي بس ده مش غريب عليكي، هي دي منى زكي، هي دي سندريلا الفن المصري والعربي.. بحبك».