بسبب مسلسل أم كلثوم.. قصة رحلة حج غير متوقعة أبكت عائلة أحمد راتب قبل 27 عاما

كشفت لمياء ابنة الفنان الراحل أحمد راتب، ذكريات أول زيارة حج لوالدها عام 1999.

وأوضحت ابنة أحمد راتب إنها كانت هدية من إحدى شركات السياحة، لأبطال مسلسل أم كلثوم، ووقتها قرر اصطحاب والدتها على نفقته الخاصة.

وكتبت في منشور عبر حسابها الشخصي بموقع فيس بوك: «القصة اللي هتفضل محفورة في قلبي.. سنة 1999 في يوم عادي بابا جاله تليفون على البيت، بعد ما رحب بالمتصل سكت شوية وبعدها شال التليفون من على ودنه وبص لأمي (اللي اسمها فيرا بالمناسبة) وقال لها ووشه كله رهبة: فيرا.. هنحج».

وتابعت: «وفي لحظة.. صالة بيتنا دي بقت بتتهز من ردود أفعالنا ورد فعل أمي.. شركة الهانوف للسياحة أهدت رحلات حج مدفوعة بالكامل لأبطال مسلسل أم كلثوم».

واستكملت ابنة أحمد راتب: «اللي كان تم عرضه في رمضان نفس السنة، وطبعًا بابا ساعتها اتفق إن والدتي هتطلع معاه وهيدفع لها التكلفة والله يا بابا إنك كنت عبد محبوب من رب العالمين وربنا رزقك ودعاك من حيث لا تدري ولا تحتسب».

واختتمت: «لأن سبحانه وتعالى عارف قلبك وعارف إنك كنت كما قال الحبيب (خيركم خيركم لأهله)، ربنا يجازيك عنا خير يا حبيبي ويبارك لنا في ماما.. اللهم ارزقني الحج عاجلاً غير آجل يارب».