بسمة بوسيل تفجر مفاجأة وتكشف سبب طلاقها من تامر حسني

ياسمين حمادة 24 مايو 2023 | 09:36 صباحاً

فجرت الفنانة بسمة بوسيل مفاجأة صادمة وكشفت السبب الحقيقي وراء طلاقها من الفنان تامر حسني، كما أنها ألغت متابعته من موقع انستجرام.

بسمة بوسيل وتامر حسني

نشرت بسمة بوسيل مقطع فيديو يظهر به تامر حسني في حفل زفاف هالة عمر وهي منسقة أعمال الفنان، وعلقت عليها قائلة: «حسبي الله ونعم الوكيل فيكي يا هالة».

وتابعت الفنانة بسمة بوسيل وكشفت سبب طلاقها من تامر حسني ، قائلة: «احترام العشرة بيبتدي باحترام مشاعر غيرك، بالذات لو حد كان سبب رئيسي في خراب بيتكم وهدم حياة ولادك».

تامر حسني وبسمة بوسيل

قصة هالة عمر وتامر حسني

بدأت قصة هالة عمر وتامر حسني وأزمتهما مع بسمة بوسيل بدأت بعد أن نشر الفنان مقطع فيديو من حفل الزفاف وكشف صلة قرابته بهالة عمر.

كشف تامر حسني علاقته بهالة عمر، وكتب عبر حسابه الرسمي بموقع فيس بوك: «لكل اللي بيسأل عن إيه وجه القرابة بيني و بين العروسة الجميلة دي شايف اسئلة كتير أنا هحكيلكوا».

وتابع: «هي اسمها هاله عمر عرفتها كانت بنت من الفانز صغيره ومن المقاتلين والمدافعين عن تامر على الانترنت ومن كتر دفاعها عني لفتت نظري ومره رديت عليها شكرتها ولما سافرت اسكندريه في الوقت ده لقيت بنت صغيره أوي بتعيط وبتجري عليا فا وقفتلها وفكرتني بنفسها و فضلت تعيط».

واستكمل الفنان تامر حسني: «وتقولي إحنا معاك ولازم تكمل عشان كنت بتحارب جدًا في بداياتي فا اتصدمت إن اللي بتقول كده بنت صغيره كده والمجهود ده كله اللي عاملاه بنت صغيرة عندها 14 سنة.. وقتها كانت السوشيال ميديا لسه بتطلع وكنا في شركتنا بندور على شركه كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيره دي».

هالة عمر وتامر حسني

سبب طلاق تامر حسني وبسمة بوسيل

وقال تامر حسني أيضًا عن هالة عمر : «هي اللي تمسكها فضلوا يقنعوني إن كده مش صح ولازم أكتر حد خبره يمسكها وأنا قولت لا لازم أكتر حد بيحبني هو اللي يمسكها وأنا واثق إن طاقة الحب مفعولها أقوى من طاقة المحترف بلا حب فعرضت عليها تشتغل معايا و هي في السن ده مصدقتش طبعًا و من ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر».

واختتم تعليقه على حفل زفاف هالة عمر : «أما بقى عريسها العسل ده اسمه عمرو طلب إديها مني أنا عشان والدها ووالدتها توفاهم الله في سنة واحدة رحمهم الله ياريت نفتكرهم ونهديلهم ثواب الدعاء و الفاتحة، ومن اللحظه دي اتحولت هاله لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها.. معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك».

هالة عمر وتامر حسني