بسمة بوسيل تكشف لأول مرة تفاصيل زواجها وطلاقها من تامر حسني.. هنرجع

كشفت الفنانة بسمة بوسيل، لأول مرة عن تفاصيل زواجها وطلاقها من الفنان تامر حسني، بعد قصة حُب استمرت لسنوات نتج عنها ثلاثة من الأبناء.

وأشارت بسمة بوسيل في تصريحات تليفزيونية، إلى أن كل أحلامها تحققت عندما جاءت إلى مصر، بمقابلة حُب حياتها الفنان تامر حسني، وفي ذات الوقت كانت تعمل على طرح ألبوم مع المنتج محسن جابر، ولكن شعرت وقتها أنها تريد الزواج أكثر، وكان حبّها لـ تامر حسني أكبر من الغناء؛ لأني اختارته يكون أبو أولادي.

وأضافت بسمة بوسيل، أن الزواج وحب العمر أخذ مكان النجومية والشهرة والغناء، قائلة: «اتجوزت بدون فستان وحفل زفاف بس أنا وتامر حسني اتفقنا علي كده ودي مش غلطته وانا عارفة اني متجوزة حد مشهور جدا، شهرة تامر كنت بالنسبة لي مستفزة ومخيفة وفعلا كنت باهتز نفسيا وبخاف وعملنا فرح وكل حاجة بشكل خاص، ونزل خبر زواجنا في الصحافة، وانا عارفة ان فيه هجوم حصل عليا وكانوا بيجولنا قدام البيت يطالبوه طلقها طلقها، وأمي كانت خايفة وهو كمان كان خايف من تسليط الأضواء على زواجنا».

بسمة بوسيل بعد الطلاق

أوضحت بسمة بوسيل، أنها بعد طلاقها من تامر حسني، تحررت من أشياء كثيرة جدًا كانت تشكل ضغط عليها، قائلة: «لايف استايل بتاعة تامر صعبة أوي ومتعبة جدًا وفيه حاجات مكنتش بعرف أعملها، خاصة وأنا معايا 3 عيال».

بسمة بوسيل والعودة لتامر حسني

وتحدثت بسمة بوسيل عن حلم عودتها لتامر حسني، قائلة: «حلم رجوعي لتامر حسني هيتحقق وده خبر أكيد يعني، أنا دلوقتي متصالحة ومتسامحة مع كل الناس واتغيرت للأحسن بعد الانفصال».

تأثير الانفصال علي بسمة بوسيل

وأكدت بسمة بوسيل على أن انفصالها عن تامر حسني، كان صعبًا للغاية، قائلة: «الانفصال كان بالنسبة لي صعب وانا وتامر حسني بنحب بعض عامة كأشخاص غير كزوجين والشخص ده غالي أوي عليا، ولغاية دلوقتي بيعرف كل حاجة بعملها وبيكلمني علطول ويطمئن عليا، والمصريين بالنسبة لهم الطلاق ده مصيبة واحنا نفس القصة في المغرب، ولكن الطلاق حصل لما وصلنا لمرحلة اننا مكناش عارفين نتكلم مع بعض بس الطلاق كان بالنسبة خضة ومكنتش متوقعة أني اتطلق، وبعد الانفصال قربت جدا من ربنا وبقيت اعمل عمرة 3 مرات في السنة وحسيت ان التعلق لازم يبقى برب العالمين أكتر من البشر».