بعد مكالمة الفيديو.. هل انتهت أزمة تووليت ولطيفة بالصلح؟

فاجأ المطرب تووليت بحل أزمته مع الفنانة لطيفة عقب اتهامه بسرقة لحن أغنية في الكام يوم اللي فاتوا، عن طريقة مكالمة فيديو.

نشر تووليت مقطع لمكالمة فيديو بينه وبين لطيفة عبر حسابه الرسمي بموقع إنستجرام، وقال لها: «إنتي إيه الحلاوة دي وألف مبروك الشغل الجديد والألبوم».

وردت لطيفة عليه: «مبروك أنت كمان الكليب والغنوة حلوة أوي أنت عارف أنا بحبك من زمان وآخر مرة اتقابلنا في بليبورد».

واستكملت: «بس مش هتشيل الماسك عشان أشوفك؟»، ورد تووليت مازحًا: «هخلص المكالمة دي وأكلمك تاني من غير الماسك».

وتأتي هذه المكالمة بعد ساعات من اتهامها له بسرقة لحن أغنيتها «في الكام يوم اللي فاتوا»، التي قدمتها منذ 18 عامًا بالتعاون مع الملحن وليد سعد.