بوسي لـ شيرين عبد الوهاب: حرام اللي بتعمليه في نفسك

حرصت المطربة بوسي على توجيه رسالة للفنانة شيرين عبد الوهاب، بعد أزمتها الأخيرة وتمنت أن تعود لقوتها ولجمهورها.

قالت بوسي عبر تصريحات تلفزيونية: «أنا بعشق شيرين عبد الوهاب وبعشق صوتها ومستخسراها وبقول حرام اللي بتعمليه في نفسك».

رسالة بوسي لـ شيرين عبد الوهاب

وتابعت: «أنا مش عايزة اتدخل في حياتها الشخصية، لكن نصيحة من معجبة مش زميلة، إحنا محتاجين شيرين بتاعة زمان اللي كانت مركزة مع شغلها أكتر وكانت بتحب مهنتها وبتحب الغنا وبتحب شغلها».

واستكملت بوسي رسالتها لـ شيرين عبد الوهاب قائلة: «وبتعمل حاجات حلوة تكسر الدنيا، ربنا يعملها كل الخير».

بوسي وشيرين عبد الوهاب

لقب صوت مصر

وقالت عن جدل لقب صوت مصر: «أنا مش مع موضوع الألقاب، في الآخر كل واحدة ولها شكلها وستايلها ولها صوتها اللي تميزت به وأغانيها اللي تميزت بها».

واختتمت بوسي قائلة: «كل واحد شايف إن المطربة اللي بيحبها هي دي صوت مصر وبقى في خناقات دلوقتي بس هو السوق اللي بيحكم مين صوت مصر ولا مين رقم 1 أو 2 أو 3، بس مينفعش أنا أقول على نفسي إني صوت مصر لكن لأ السوق اللي بيحكم الموضوع ده».

بوسي