تارا عماد: مشاهد الغناء في مسلسل إفراج كانت الأصعب

أعربت الفنانة تارا عماد عن سعادتها بتقديم دور مختلف في مسلسل إفراج، مع الفنان عمرو سعد في رمضان 2026.

قالت تارا عماد عبر تصريحات تلفزيونية: «أنا مبسوطة بالمسلسل ده الفرحة مش سايعة قلبي من أمتع الحاجات اللي اشتغلتها، بفضل المخرج أستاذ أحمد خالد موسى وأستاذ عمرو سعد».

كواليس تارا عماد في مسلسل إفراج

وتابعت: «أدوني فرصة كنت بحلم بيها كان نفسي أعمل حاجة مختلفة وتبين للناس إني ممكن أظهر بشكل مختلف والدور كنت كل يوم بصحى للتصوير مستمتعة ومتحمسة حبيت كرميلا وعباس وكل تفاصيلهم».

وكشفت تارا عماد أصعب المشاهد التي قدمتها في مسلسل إفراج، قائلة: «أكتر حاجة كانت صعبة مشاهد الغناء كنت متوترة ومرعوبة عمري ما طلعت بغني وأصلاً وأنا بمضي محدش سألني وقلت توكلنا على الله وهما يكتشفوا، وأخدت تدريبات قبل كده للغناء لكن مأخدتش حاجة للمسلسل».

تصريحات تارا عماد

واختتمت: «بس كانت من أمتع المشاهد اللي فيها غناء زي مثلا أغنيتي أنا وعمرو سعد كان يوم متع وكله طاقة».