تامر حبيب يكشف سبب خلاف منة شلبي وهادي الباجوري: صالحتهم وسابوني

كشف السيناريست تامر حبيب تفاصيل أعماله الجديدة التي يحضر لها الفترة الحالية، ومنها فيلم مع الفنان حسن الرداد وفيلم مع منة شلبي.

قال تامر حبيب في لقائه مع الإعلامية شيرين سليمان، ببرنامج سبوت لايت المذاع على قناة صدى البلد: 'كان عندي فيلم عرضته على حسن الرداد لكن خاف يعمله ورفض، والدور كان به قسوة، ولما اتقابلنا بعدها بفترة قال يالا نفتح صفحة جديدة ومن أول السطر'.

وتابع: 'هناك شبه اتفاق مع حسن الرداد على فيلم جديد، وحابب أقدمه في رومانسي بجد لأن جواه طاقات كتير لسه مطلعتش'.

وعندما سألته الإعلامية شيرين سليمان: 'لسه منة شلبي اختياراتها مدمرة حياتها؟'، رد قائلًا: 'لا الحمدلله وصلنا لبر الأمان وخير'، معلنًا تعاونه معها في مسلسل جديد لايت كوميدي، وبه غناء، وينتظر مسلسلها الجديد مع المخرجة كاملة أبو ذكري، وفيلمها مع الفنان أحمد عز والمخرج أحمد علاء.

وكشف تامر حبيب سبب تأخر مسلسله مع منة شلبي، قائلًا: 'كان عندنا فيلم اسمه أهل العيب مع هادي الباجوري وحصلت خلافات ومنة اعتذرت وكل واحد منهم شيّل التاني مسئولية إن هو السبب في تأخير الفيلم، وصالحت الاتنين على بعض علشان المسلسل الجديد وعايزين هادي اللي يخرجه، وبعدما اتصالحوا هما الاتنين راحوا عملوا هيبتا 2 وسابوني'.

وكشف مفارقة غريبة: 'أما فيلم السلم والثعبان نزل السينمات كنا بنحضر لفيلم سهر الليالي، ودلوقتي بعد 23 سنة في الوقت اللي بينزل فيه السلم والثعبان الجزء الثاني، إحنا بنحضر لجزء ثاني من سهر الليالي، والفيلم عجبني جدًا أول ما شوفته في المونتاج قبل عرضه'.

وتحدث عن علاقته بالسوشيال ميديا، قائلًا: 'نعيش مرحلة لعنة السوشيال ميديا، رغم أن لها جانب مفيد، هناك جانب به منتهى قسوة وحقارة وقلة أدب وممكن يتسبب في تعب شخص صحيًا بسبب شائعة وقسوة شديدة من الناس'.