تصريحات سابقة لتامر حسني عن والده: غاب عني في طفولتي ومملكش أزعل منه

رحل عن عالمنا والد الفنان تامر حسني اليوم الجمعة، الموافق له 31 يوليو الجاري، بعد صراع مع المرض.

وكان قد تحدث تامر حسني في تصريحات تلفزيونية سابقة، عن والده وسبب ابتعاده عن الفن، وغيابه عنهم.

قال: «والدي غاب فترة عني في طفولتي مكناش مع بعض لظروف أنا بعذره عليها، وحبيب قلبي ربنا كرمنا وكلنا مع بعض دلوقتي، وأنا مملكش إني أزعل منه».

وتابع تامر حسني: «هو اللي جابني الدنيا، والجينات الفنية دي والصوت واخده منه، ولولاه مكنتش هبقى الشخص ده، أبويا كان فنان في وقته وبدأ يتشهر، بعدين حصله ظروف صحية وتعب نفسي مقدرش يكمل وسافر وبعد عننا، وعنده ظروفه وأنا لازم أقدر الظروف دي».

واختتم: «هو فرحان بيا طول الوقت لأني بكمل حلمه، هو شايف نفسه فيا.. أبويا أقوله أنا بحبك جدًا، وأي نجاح أنا فيه بسببك أنت، كان نفسك تحقق حلم معين ولظروف معرفتش وربنا كرمك بابنك اللي بيكمل لك مشوارك».