تصريحات عمرو مصطفى: «أعمالي بتعالج البشر.. وأنا اللي بعمل بلوك للناس»

تحدث الفنان عمرو مصطفى في تصريحات تلفزيونية جديدة، عن أبناءه وعن الأغاني التي قدمها مؤخرًا، كما تحدث عن خسارته لبعض الأشخاص في حياته، وفيما يلي يستعرض موقع قناة صدى البلد أبرز تصريحات عمرو مصطفى التلفزيونية التي أثارت الجدل الساعات الماضية.

تصريحات عمرو مصطفى

• بحلم إن ولادي يتخرجوا من الجامعة، والحمدلله الأغاني بتاعتي وصلالهم ويحبوها ، وبتقدم رسايل وتعالج البشر
• أنا الملحن الوحيد اللي لازم المطربين يتحايلوا عليا عشان اشتغلهم، ويتحايلوا عليا جدًا ويقعد أربع أو خمس شهور عشان ياخدوا من الأغنية
• أنا مش زعلان إني ممكن ألحن لحد أو لا، مفيش حد خالص مهم، المهم هو حب الجمهور
• بعض الجمهور بيقولي انت خسرت شخص، الحقيقة إن أنا اللي بتنازل عن الناس مش الناس اللي بتتنازل عني
• أنا اللي ديمًا بعمل بلوك للناس مش الناس هما اللي بيعلموا بلوك

أزمة عمرو مصطفى ورامي صبري

وكان عمرو مصطفى وجه رسالة إلى رامي صبري عبر حسابه على موقع التواصل الاجتماعي «فيس بوك» مؤخرًا: «رامي صبري أول واحد باركلي هنا علي الصفحة  على الألبوم الجديد يمكن هو الفنان الوحيد».

وتابع «بحبه جدا كفنان وإنسان، وبحب جدا أستفزه، لأنه صديق جدع وعامل ألبوم جامد كمان بس هو تأثر بأغنية  رقصة، وعادي حبيت بس أقولها بهزار»، مضفيا « عيب الصحافة تكتب سرق، في الأول والاخر ده زميل وصديق وعشرة عمر وعادي تتوارد الأفكار بتحصل بس دي آخر مره يا رامي حبيبي والله».

ورد رامي صبري على منشور عمرو مصطفى قائلا «خزر براحتك يا عمرو، بس أغنية يمكن خير دي أنا ملحنها من 2009، وأنت عارف إن رامي صبري مستحيل ياخد  لحن مش لحنه وينسبه لنفسه، وتاريخي وجمهوري المحترم يعرف الكلام ده، فما بالك أنت بقى»، مضيفا «حصل خير وبعد كده متهزرش معايا، عشان أنا مش بحب النوع ده من الهزار يا لذيذ».

رامي صبري يرد على اتهام عمرو مصطفى بسرقة لحن «رقصة»: متهزرش معايا

عمرو مصطفى : «عمري ما حسيت بالفشل وفنانين في ورطة بسببي..ومستعد أساعد أي ملحنة شابة عايزة تبدأ»