تعرف على عُمر نادية الجندي الحقيقي بعد الكشف عن مواصفات فتى أحلامها

سن نادية الجندي يبحث عنه الجمهور الساعات الماضية، وذلك عقب حديث نادية الجندي في تصريحات تلفزيونية عن مواصفات فتى أحلامها وتداولها الجمهور عبر مواقع التواصل الاجتماعي.

سن نادية الجندي الحقيقي

سأل البعض عن سن نادية الجندي الحقيقي الساعات الماضية، حيث ولدت نادية الجندي يوم 24 من شهر مارس عام 1946، أي أن عمرها حاليًا 76 سنة.

مواصفات فتى أحلام نادية الجندي

وعلى جانب أخر كانت تحدثت الفنانة نادية الجندي عن مواصفات الشخص الممكن أن ترتبط به، قائلة: «أنا مش طالبة غير إنه يكون ابن حلال، ابن حلال بمعنى الكلمة، يعني أشعر معاه بالآمان، وإنه سند وحنون».

قالت الفنانة نادية الجندي في تصريحات تلفزيونية لها: «السينما هي دمي وكل شيء في حياتي، لو موقفتش قدام كاميرا أشعر إني هموت، أنا بمثل من وأنا عمري 5 سنوات في المدرسة، وبدأت الوقوف أمام الكاميرا من وأنا عمري 13 سنة».

تابعت نادية الجندي قائلة: «لازم أقف قدام كاميرا في عمل أبقى سعيدة ومقتنعة به، وكمان دور وشخصية مختلفة، لكن اللي بيتعرض عليا مؤخرًا حاجات مكررة عملتها قبل كده، وأدوار وأعمال سطحية».

نادية الجندي

وأضافت النجمة نادية الجندي: «السينما هي حب حياتي، هي حبي الأول والأخير، لكن لو جه معها حب كمان، معنديش مانع، ولدي طقوس خاصة في ليلة رأس السنة».

وفيما يخص طقوسها في رأس السنة، علقت قائلة: «بحب أقعد في البيت مع ابني ونقضي الليلة مع بعض، بقرأ فيها القرآن وأتقرب من ربنا بالدعاء أنها تكون كويسة علينا، وهي ليلة فيها روحانيات ودي تعطي راحة نفسية».

وقالت نادية الجندي أيضًا: «مش بحب الخروجات في ليلة رأس السنة ومش بحب الزحمة والأماكن المزدحمة، وعلمت هشام ابني يعمل زي ما أنا بعمل في ليلة رأس السنة، بدل ما يخرج مع أصحابه وبقى ملتزم بالطقوس الخاصة بيا».

وأضافت: «للناس لما بتشوفني بتقولي إحنا بنحبك علشان إنتي بتحترمينا، والفنان مينفعش يطلع شكله وحش وتخين ومنظره كئيب، لازم يبقى قدوة وجزء من عملي لازم يكون شكلي صح ولياقتي البدنية صح، والثقافة العامة دلوقتي إن الناس كلها ستات ورجالة بيخلوا بالهم أوي من جسمهم».

نادية الجندي

سر رشاقة نادية الجندي

واستكملت كلامها: «وبقى فيه ثقافة الرياضة والرشاقة والتجميل، وده ملهوش علاقة بالعمر وشايفة ان الوعي زاد اوي عن زمان وده حاجة جميلة، الحرمان من الأكل طول الوقت والرياضة لوحدها مش هتخليني جسمي حلو ولا عندي رشاقة، وطبعًا ربنا الأول هو اللي بيدي الانسان الشكل الحلو والكاريزما».

وقالت نادية الجندي: «اللى تخلي الناس تحبه وتتقلبه حتى لو كانت بسيطة، ربنا فوق أي اعتبار، وثانيًا التصالح مع النفس ولا الغل مع الغير ولا الحقد علي أحد، لأن الغل والحقد بيطلع تجاعيد علي الوش بنلاقي الواحد شكله كئيب وكله غل لأنه كاره الناس وحقد علي الناس، إنما لما بنضحك بنكون متصالحين مع نفسنا وحب الخير للناس».

جلسة تصوير جديدة لـ نادية الجندي.. والجمهور: «اهدي علينا شوية يا فنانة احنا بنتعالج»

نادية الجندي تكشف مواصلات فتى أحلامها: يكون ابن حلال