تغريد فهمي: الفن علاقات وواسطة وزمان كانت الموهبة بتفيد الممثل

تحدثت الفنانة تغريد فهمي عن فكرة البحث عن فرص لها ضمن الأعمال الفنية في الوقت الحالي.

تغريد فهمي تتحدث البحث عن الفرص الفنية

قالت تغريد فهمي في تصريحات تلفزيونية: 'بسعى لكن أنا مؤمنة بحاجة اطلبوها بعزة، بسعى اكيد لأن برضو مطلوب سعي في مهنتي بس السعي بتاعي مش بطارد الناس، والفن علاقات وواسطة، وبقيت شايفة دلوقتي إن كله دلوقتي بقى ماشي بيمثل بصراحة، اللي عنده موهبة واللي مش عنده واللي دارس أنا بقيت بشوف المهنة كده غير زمان'.

واستكملت حديثها، وقالت: 'زمان كانت الموهبة اكتر بتفيد الممثل ومكنش فيه علاقات بل بالعكس كنا بنتقابل في العمل بس الحمدلله الأدوار اللي بتتعرض عليا دلوقتي جميلة مفيش دور جالي مش أنا كشخصية وكأداء وانا عملت كل الأدوار اللي محدش يتخيلها'.

تغريد فهمي

تغريد فهمي برنامج بنت البلد

تحدثت الفنانة تغريد فهمي عن زوجها وموقفه من عملها بالمجال الفني، قائلة: «عارف إني بشتغل مع ناس عندهم قيم وأخلاق».

كشفت تغريد فهمي موقف زوجها من عملها بالوسط الفني، في حوارها مع الفنانة نشوى مصطفى ببرنامج «بنت البلد»، المذاع عبر شاشة قناة صدى البلد، قائلة: «زوجي من خارج الوسط الفني وشايف إني بمثل مع ناس عظيمة معروفين بالقيم والجمال والشياكة لذلك لم يعترض».

وتابعت الفنانة تغريد فهمي : «عملت في مهن كثير قبل الفن كنت في المجلس القومي للمرأة ولفترة في العمل السياسي وكنت مرشحة لمجلس الشعب».

تصريحات الفنانة تغريد فهمي

قالت الفنانة تغريد فهمي أيضًا عن الغيرة بين الفنانات: «الغيرة مطلوبة ولا إرادية لكنها مش عندي وكان فيه زملاء في الوسط بيغيروا مني».

وأضافت: «كل حاجة بتاعت ربنا ومفيش حد بياخد رزق حد ولا حد يقطع رزق حد، ودايمًا بتمنى رضا ربنا وأوقات تكون بسيطة، ولذلك مش بتأخر في عمل الخير».