تغريد فهمي: زيزي مصطفى ماتت بسبب حزنها من هذا الموقف

كشفت الفنانة تغريد فهمي سبب وفاة صديقتها المقربة الفنانة الراحلة زيزي مصطفى، مشيرة إلى أن السبب هو فنانة آخرى متواجدة حاليًا.

تغريد فهمي وعلاقتها بالوسط الفي

تحدثت تغريد فهمي عن علاقاتها بالوسط الفني، وقالت في تصريحات تلفزيونية: 'زيزي مصطفي ودلال عبد العزيز كانوا قريبين مني وزيزي الله يرحمها كانت حبيبتي اوي مكنتش بسيبها ولا بتسيبني كنا دايمًا مع بعض وكنا صحاب جدًا لحد ما اتوفت بسبب فنانة موجودة دلوقتي'.

سبب وفاة زيزي مصطفى

وتابعت تغريد حديثها، وقالت: 'اتوفت بسبب فنانة موجودة دلوقت في الوسط، لأنها كانت متجوزة يسرى مصطفى وكان تعبان جدا وكانت زيزي قاعده جنبه الفترة دي ولما شد حيله في ممثلة اتجوزها وزيزي مأعلنتش بقيت أنا اللي عارفة وهي عارفة ومحدش يعرف'.

واستكملت حديثها، وقالت: 'الممثلة دي كنا بنشوفها وبنسلم عليها وزيزي الموضوع اثر فيها نفسيا وانهارت لما الموضوع بدأ يتعرف شوية فزعلت مع انها كانت من النوع الحمولة تتحمل أي حاجه ومتقولش ومتبكيش'.

وواصلت حديثها، وقالت: 'كنت بكلمها قبلها بساعة وكانت بتقولي اعمل اي مع يسري كنت أنا اتكلمت معاه الله يرحمه وندم جدًا لانها كانت متجوزاه عشان تشتغل وبقت تقولوا كلملي مخرجين ومنتجين ولما معملش ده سابتوا'.