تفاصيل أزمة بيومي فؤاد الصحية.. لا يستطيع الوقوف على قدمه لدقيقتين

تحدث الفنان بيومي فؤاد عن أزمته الصحية في قدمه، موضحًا أن الأزمة تفاقمت وأصبح غير قادر على الحركة بالشكل المعتاد.

قال بيومي فؤاد في تصريحات تلفزيونية له، إنه لا يستطيع الوقوف على قدمه لدقيقتين بسبب وجود وريد في الظهر يعمل على توصيل الدم إلى الرجل.

أزمة بيومي فؤاد الصحية

وتابع: «لكن مع وقوفي وقت طويل يحدث ضيق لهذا الوريد ولا يتمكن من توصيل الدم إلى القدم وتواصلت مع أطباء في الخارج، ولكن مفيش وقت عشان أسافر لهمر».

واستكمل الفنان بيومي فؤاد حديثه عن أزمته الصحية: «رجلي بتوجعني من الوقفة البسيطة، في مشاهد كنت بقف 7 دقائق أثناء التصوير، لكن بيحصلي تنميل في عصب رجلي، وبعد كدا مبقتش أقدر أقف دقيقتين على بعض ولازم أقعد على الكرسي».

تصريحات بيومي فؤاد

وأضاف: «وبمجرد أقعد الدنيا بتختلف تمامًا.. والطبيب أشرف ناهد محرم شرح لي إيه اللي بيحصل.. في قناة في آخر ضهري هى اللي بتسمح بمرور الدم للأطراف في الرجل، لكن طول ما أنا واقف القناة دي بتفضل تضيق ويحصل تنميل في رجلي».

واختتم الفنان بيومي فؤاد: «حصل لي موقف أثناء عرض خاص لفيلم قعدت على الأرض، لأن الوقفة والمشي كانوا عاملين ليا مشاكل كبيرة في رجلي، وجهزت تقارير طبية عشان أسافر ألمانيا لكن معرفتش عشان كانت عندي تصوير».

بيومي فؤاد

بيومي فؤاد في مسلسل الكبير