«تفاصيل وعكة شهر العسل» .. هنا الزاهد ترقد فى مستشفي بسنغافورة .. وفهمي : «لو محصلش تحسن هيبقي فى جراحة»

أثار نشر الفنان أحمد فهمي صورة لزوجته الفنانة هنا الزاهد من داخل مستشفي فى سنغافورة على انستجرام بعد تعرضها لوعكة صحية ردود أفعال كثيرة فى الإعلام وحتي بين الفنانين . حيث اضطر فهمي إلى حذف الصورة بعد ذلك .

وحرص أحد فهمي على طمأنة الجمهور علي الحالة الصحية لزوجته هنا الزاهد التي تعرضت لوعكة صحية وتم نقلها لأحدي المستشفيات وذلك أثناء قضائهما شهر العسل فى سنغافورة .

وقال فهمي عبر حسابه الشخصي على انستجرام « شكرا لكل الناس اللى بتسأل على هنا و معلش مش عارف أرد على كل الناس لانى كنت محتاس لوحدى، الموضوع أننا فى المستشفى هنا فى سنغافورة وهنقعد ثلاث أيام تحت الملاحظة ولو محصلش تحسن هيبقى فى جراحه، الموضوع بايخ ومفاجئ بس بشكر د اشرف زكى فعلا، والدكاترة المصريين د أشرف ابو الهوا و د احمد نجم اللى متابعين من مصر الحالة مع الدكاترة هنا، و بشكر معالى السفير محمد ابو الخير اللى واقف معانا جامد هو والمصريين فى السفارة على رأسهم أ محمد زغلول و طبعا أ ضياء محمد كامل اللى واقف جنبى جامد من مصر، انشاء الله خير».

وكان عدد من الفنانين حرصوا على الإطمئنان على صحة الفنانة هنا الزاهد والدعاء لها حيث كتبت سمير غانم «الف سلامة عليكي ربنا يحفظك يارب» .. فيما كتبت ياسمين صبري «سلامتك يا أجمل هنا» .. وكتب على ربيع «الف سلامة يارب» .. وكتبت أيتن عامر « أمين يارب» .

وكان أحمد فهمي قد نشر صورة هنا الزاهد في المستشفي وكتب عليها قبل أن يحذف الصورة « عامة أنا ماليش فى الحركات دى خالص ولا عمرى كنت هجيب سيرة ولا أنزل صور زى دى وبقالى شوية بهزر مع صحابى الزملكاوية على الماتش، بس إحنا برا مصر 'أنا وهنا' وبقالنا يومين بنروح لدكاترة عشان 'هنا' تعبانة ودلوقتى رحنا لتالت مرة عشان تعبت تانى جدا.. بجد فى ناس مركزة أوى أوى أوى معانا لدرجة إن فى مهرجان (مش الجونة) كان من كام يوم مبيسألوش أى حد من الزملا عن الجائزة اللى واخدها لا بيسألوهم عننا وعن الفرح وعن تدخلى فى شغل هنا... بجد شكرا جدا لكل الناس اللى فرحنالنا من قلبها وربنا يديم النعمة.. أما بجد اللى مركزين أرجوكوا الحياة مش ناقصة.. إحنا فى شهر العسل وبايتين أهو فى المستشفى» .

وكان قد أحتفل فهمي وهنا الزاهد بزفافهما منذ أيام بأحد الفنادق بالقاهرة وحضر الزفاف عدد كبير من الفنانيين والنجوم .